گوگل نیوز پر ہمیں فالو کریںلندن: برطانوی وزیرِ اعظم بورس جانسن نے ملک بھر میں پیر سے کورونا وائرس کی روک تھام کیلئے نافذ لاک ڈاؤن میں معمولی نرمی کا اعلان کردیا ہے۔
سماجی رابطے کی ویب سائٹ ٹوئٹر پر اپنے پیغام میں برطانوی وزیرِ اعظم بورس جانسن نے کہا کہ پیر سے ہم 6 لوگوں کو گھر سے باہر ملاقات کی اجازت دیں گے جس کیلئے شرط یہ ہے کہ الگ الگ گھروں سے تعلق رکھنے والے افراد سماجی فاصلہ برقرار رکھیں۔
پیغام میں برطانوی وزیرِ اعظم نے کہا کہ الگ گھروں سے تعلق رکھنے والے افراد کو چاہئے کہ ایک دوسرے سے 2 میٹر کا فاصلہ برقرار رکھیں تاکہ کورونا وائرس کی روک تھام کیلئے جنگ میں برطانیہ کا ساتھ دیا جائے جبکہ لاک ڈاؤن میں موجودہ نرمی رشتہ داروں کیلئے ہے۔
From Monday we will allow up to six people to meet outside, provided those from different households continue strictly to observe social distancing rules by staying two metres apart. (1/3)
— Boris Johnson (@BorisJohnson) May 29, 2020
برطانوی وزیرِ اعظم بورس جانسن نے کہا کہ ہم لا ک ڈاؤن میں نرمی اس لیے کر رہے ہیں تاکہ دوست احباب اور اہلِ خانہ اپنے پیاروں سے ملاقات کرسکیں اور وہ ماں باپ اور دادا دادی یا نانا نانی کو ایک ہی وقت میں دیکھنے کے قابل ہوسکیں۔ مجھے معلوم ہے کہ بہت سے لوگوں کیلئے یہ طویل انتظار کے بعد ایک خوشی بھرا لمحہ ثابت ہوگا۔
وزیرِ اعظم بورس جانسن نے کہا کہ کورونا وائرس کو کنٹرول کرنے کے لیے ہم میں سے ہر ایک کو مستعد رہنا، ذمہ داری سے نقل و حرکت کرنا اور سماجی فاصلے کے اصولوں پر سختی سے عمل کرنا ہوگا۔آپ کو چاہئے کہ جن کے ساتھ آپ رہتے نہیں ہیں، ان سے 2 میٹر کا فاصلہ برقرار رکھیں۔
But I must stress that to control the virus, everyone needs to stay alert, act responsibly and strictly observe social distancing rules by staying two metres apart from those who you do not live with. (3/3)
— Boris Johnson (@BorisJohnson) May 29, 2020
