گوگل نیوز پر ہمیں فالو کریںممبئی: بھارتی کرکٹ بورڈ کی دھمکیاں بے اثر ثابت ہوئیں، ہرشل گبز سمیت کھیل سے تعلق رکھنے والی دیگر شخصیات نے مودی حکومت کی پیروی کرنے کے اقدام کی شدید مذمت کی ہے۔
سماجی رابطے کی ویب سائٹ ٹوئٹر پر اپنے پیغام میں جنوبی افریقہ کے سابق کھلاڑی اور موجودہ ٹی ٹوئنٹی کوچ ہرشل گبز نے کہا کہ بھارتی کرکٹ بورڈ کا پاکستان کے خلاف سیاسی ایجنڈا کھیل کے میدان میں لانا مکمل طور پر غیر ضروری اور فضول اقدام ہے۔
پیغام میں جنوبی افریقہ کے کوچ ہرشل گبز نے کہا کہ بھارتی کرکٹ بورڈ ہمیں کشمیر پریمیئر لیگ 2020 کھیلنے سے روک رہا ہےاور دھمکیاں دی جارہی ہیں کہ مجھے کسی بھی کرکٹ سے متعلق کام کیلئے بھارت داخلے کی اجازت نہیں دی جائے گی جو مضحکہ خیز ہے۔
Completely unnecessary of the @BCCI to bring their political agenda with Pakistan into the equation and trying to prevent me playing in the @kpl_20 . Also threatening me saying they won’t allow me entry into India for any cricket related work. Ludicrous ????
— Herschelle Gibbs (@hershybru) July 31, 2021
دوسری جانب بھارتی کرکٹ بورڈ کے اعلیٰ عہدیدار کی دھمکی خاطر میں نہ لاتے ہوئے ایک بین الاقوامی کھلاڑی نے کشمیر پریمیئر لیگ کھیلنے کا اعلان کیا ہے۔ بھارتی بورڈ نے دھمکی دی تھی کہ اگر کشمیر لیگ میں حصہ لیا تو بھارت کے دروازے بند کردیں گے۔
یہی نہیں، بلکہ بورڈ نے یہ دھمکی بھی دی کہ ہم آپ کو آئی پی ایل (بھارتی پریمیئر لیگ) کھیلنے کی کبھی اجازت نہیں دیں گے جس پر مونٹی پنیسر، میٹ پرائیر اور دیگر کھلاڑیوں نے کشمیر پریمیئر لیگ سے دستبرداری ظاہر کی تاہم سری لنکن کھلاڑی دلشان تلے کرتنے نے کشمیری لیگ کھیلنے کا اعلان کیا۔
آئندہ ماہ کشمیر پریمیئر لیگ 6 اگست سے شروع ہورہی ہے جو آزاد کشمیر کے دارالحکومت مظفر آباد میں 16 اگست تک جاری رہے گی۔ لیگ کا فائنل میچ بھی مظفر آباد میں منعقد ہوگا تاہم کشمیری لیگ سے اب تک 6 غیر ملکی کھلاڑی دستبردار ہوچکے ہیں۔
یہ بھی پڑھیں: ماحور شہزاد کے بیان پر افسوس ہوا، پاکستان اولمپکس ایسوسی ایشن
