گوگل نیوز پر ہمیں فالو کریںاسلام آباد: پی آئی اے انتظامیہ نے کورونا ویکسین نہ لگوانے والے اسٹاف اور افسران سے یومیہ 500 روپے تک جرمانہ لینے کا عندیہ دے دیا ہے۔
تفصیلات کے مطابق پی آئی اے انتظامیہ نے ویکسینیشن نہ کرانے والے عملے کو خبردار کردیا۔ تمام ملازمین کے ویکسین لگوانے کیلئے حتمی تاریخ 13 اگست مقرر کردی گئی۔
پی آئی اے انتظامیہ کا کہنا ہے کہ ویکسین نہ لگوانے والے اسٹاف، ملازمین اور افسران کے خلاف کارروائی ہوگی۔ اسٹاف کو 300 جبکہ افسران کو 500 روپے یومیہ جرمانہ کیا جائے گا۔
انتظامیہ کا کہنا ہے کہ پی آئی اے کے ملازمین کو 10 دن تک ویکسینیشن نہ کرانے پر تادیبی کارروائی کا سامنا ہوسکتا ہے۔ ملازمین اور افسران کورونا کی روک تھام کیلئے 13اگست تک ویکسین لگوا لیں۔
خیال رہے کہ اِس سے قبل پنجاب حکومت نے بڑا اعلان کرتے ہوئے کہا کہ کورونا ویکسین نہ لگوانے والے اساتذہ کو اسکول آنے کی اجازت نہیں دیں گے۔
وزیرِ تعلیم پنجاب مراد راس نے گزشتہ روز صوبے کے تمام سرکاری و نجی اسکولوں کے عملے اور اساتذہ کو ویکسین لگوانے کیلئے حتمی تاریخ دیتے ہوئے کہا کہ اگر ویکسین نہ لگوائی تو اسکول نہیں آنے دیں گے۔
مزید پڑھیں: ویکسین نہ لگوانے والے اساتذہ کو اسکول آنے کی اجازت نہیں۔حکومت
قبل ازیں ماہرینِ صحت کا کہنا تھا کہ ویکسین لگوانے والے افراد پر کورونا کا حملہ انہیں ہسپتال منتقل کرنے کا سبب نہیں بن سکتا، نہ ہی انہیں موت کا کوئی خطرہ ہوسکتا ہے۔
امریکی ادارے سی ڈی سی سے تعلق رکھنے والے ماہرین کی جانب سے نیا دعویٰ سامنے آگیا۔ ماہرینِ صحت کا کہنا تھا کہ کورونا ویکسین سے وائرس کے شدید وار سے مکمل طور پر بچا جاسکتا ہے۔
مزید پڑھیں: ویکسین لگوانے والوں کیلئے کورونا کا حملہ زیادہ خطرناک نہیں۔ماہرین
