گوگل نیوز پر ہمیں فالو کریںاسلام آباد: وفاقی حکومت نے پٹرولیم ڈویژن، اوگرا حکام، بورڈ آفسران اور آئل مارکیٹنگ کمپنیوں کے خلاف فوجداری کارروائی کی منظوری دے دی ہے۔
وفاقی حکومت نے کابینہ کمیٹی کی سفارش پر اوگرا کو بدعنوانی میں ملوث کمپنیوں کے خلاف سخت کاروائی کی ہدایت بھی کی گئی ہے۔ کابینہ کمیٹی کی رپورٹ پر پٹرولیم ڈویژن میں مانٹرینگ سیل قائم کرنے کی ہدایت کی ہے جبکہ ایڈوزائری کمیٹی کے ڈیٹا پر انحصار ختم کرنے اور نئی ٹیسٹنگ لیب کے قیام کی ہدایت کی ہے۔
کابینہ کمیٹی کی رپورٹ کی روشنی میں آئل مارکیٹنگ کمپنیوں کو عبوری لائسنس جاری کرنے پر بھی کارروائی کی ہدایت کردی گئی ہے۔ غیرقانونی جوائنٹ وینچر اور غیرقانونی نجی اسٹوریج قائم کرنے بھی کارروائی ہوگی اور بحری جہازوں کی برتھنگ میں تاخیر کرنے والوں کو بھی سزا بھگتنا ہوگی۔
یہ بھی پڑھیں : وفاقی کابینہ نے نیب کے دو سابق چیئرمینوں کے خلاف تحقیقات کی منظوری دے دی
