مولانا فضل الرحمان کے دھرنے کے خلاف لاہور ہائیکورٹ میں بھی درخواست دائر

لاہور: جمعیت علمائے اسلام (ف) کے دھرنے کے خلاف لاہور ہائیکورٹ میں درخواست دائر کردی گئی۔

درخواست گزار نے موقف اپنایا کہ مولانا فضل الرحمن انتخابات میں شکست کے بعد اور مدرسہ اصلاحات سے بچنے کے لیے دھرنا دے رہے ہیں۔

حکومت کو آئین کے تحت 5 سال کی مدت پوری کیے بغیر ختم نہیں کیا جا سکتا، آئینی طریقے سے ہٹ کر حکومت کو ہٹانا آئین کے آرٹیکل 2-Aاور 17 کی خلاف ورزی ہو گی۔

دھرنا آئین کے آرٹیکل 2a 9،15،16،19 کی خلاف ورزی ہے۔مولانا فضل الرحمن نے دھرنے کی حفاظت کے نام پر پرائیویٹ آرمی بنا لی ہے جو کہ خلاف آئین ہے۔

استدعا ہے کہ مولانا فضل الرحمان کو دھرنےسے روکا جائے اور پرائیویٹ آرمی کو غیر آئینی و غیر قانونی قرار دیا جائے۔