پرویز الٰہی کی ایک بار پھر مولانا فضل الرحمن سے ملاقات ،آزادی مارچ پر گفتگو

اسلام آباد:پنجاب اسمبلی کے اسپیکر اورحکومتی مذاکراتی کمیٹی کے ممبر چوہدری پرویز الٰہی نے ایک بار پھر مولانا فضل الرحمان سے ان کی رہائش گاہ پر ملاقات کی جس میں آزادی مارچ ودھرنا اورمطالبات زیر بحث لائے گئے ۔

ملاقات کے بعد چوہدری پرویز الٰہی نے میڈیا سے گفتگو کرتے ہوئے کہا کہ مثبت پیش رفت ہورہی ہے، کئی چیزیں ساتھ ساتھ چل رہی ہیںابھی تھوڑا صبر اور محنت کی ضرورت ہے ۔

انھوں نے کہا کہ محنت اس لیے ہو رہی ہے مثبت طریقے سے معاملے منطقی انجام کو پہنچے ہمارے مقصد کو کامیابی ملے گی لیکن ٹائم لگے گا۔

مزید پڑھیں : چوہدری برادران کی کاوشوں سے حکومت اپوزیشن ڈیڈ لاک ٹوٹ سکتا ہے،فضل الرحمان

سب لوگ نیک نیتی سے کوشش کر رہے ہیں اور مثبت پیشرفت ہو رہی ہے صبر اور محنت کی ضرورت ہے، کئی چیزیں ساتھ ساتھ چل رہی ہیں ۔

محنت اسی لئے ہو رہی ہے تاکہ مثبت انداز اور بہتر طریقے سے کامیابی ہو ہمارا مقصد ایک ہے تو انشااللہ کامیابی ملے گی ۔

پرویز الٰہی سے ویراعظم کے استعفے پر ڈیڈ لاک کا سوال سمیت جمعے تک دھرنا ختم ہونے کے سوال کا جواب دینے سے بھی گریز کیا۔