ادارے بند ہونے سے لوگ خودکشی کا سوچ رہے ہیں،جاویدمیاں داد

کراچی:پاکستان کے سابق اسٹار بلے بازاور کپتان جاوید میاندادنے کہاہے کہ ادارے بند ہونے سے لوگ خودکشی کا سوچ رہے ہیں۔

کمانے والا ایک اور کھانے والے زیادہ ہوں تو زندگی مشکل ہوجاتی ہے،نقل کیلئے عقل کی ضرورت ہوتی ہے، دوستی میں مصباح الحق کو 3،3عہدے تھما دیئے گئے ہیں۔

میڈیا سے گفتگو کرتے ہوئے سابق کپتان نے کہا کہ کرکٹ کی پی ایچ ڈی میں نے کررکھی ہے، مجھ سب رابطہ کریں ہر مسئلے کا حل بتائوں گا، یہ سب ایک گول دائرے میں گھوم رہے ہیں۔انہوں نے کہاکہ پاکستان کرکٹ بورڈ کسی کی جاگیر نہیں ہے، ایک بندے کو لاکھوں روپے دے رہے ہیں اس میں زیادہ سے زیادہ لوگوں کو روزگار دیں۔

لوٹ مچی ہوئی ہے جو اتنی بھاری تنخواہ مصباح کو دے رہے ہیں۔جاوید میاندادنے کہاکہ کوچز پر کرکٹ چل رہی ہوتی تو کوچ ہی کھیل رہے ہوتے، کھلاڑیوں کو ایک اچھا گائیڈ چاہیئے جو انہیں صحیح سمت میں چلا سکے۔انہوں نے کہا کہ پاکستانی کھلاڑیوں کی بنیاد کمزور ہے تو وہ کیسے آگے بڑھیں گے، سرفراز کے علاوہ کوئی اچھا آپشن ہے تو اسے ضرور موقع دیں۔جاوید میانداد نے کہا کہ نائب کپتان ہی قیادت کیلئے دوسرا آپشن ہوتا ہے۔