گوگل نیوز پر ہمیں فالو کریںاسلام آباد: وزیراعظم عمران خان کا کہنا ہے کہ یقین ہے افغانستان میں سیاسی بات چیت کے ذریعے امن ہوگا، انہوں نے کہا کہ ان کا کابل کا دورہ افغانستان میں امن کیلئے پاکستان کے عزم کا اعادہ تھا۔
ٹوئٹر پر اپنے پیغام میں وزیراعظم عمران خان کا کہنا تھا کہ میں نے کبھی کسی تنازع کے فوجی حل پر یقین نہیں کیا، یقین ہے افغانستان میں سیاسی بات چیت کے ذریعے امن قائم ہوگا۔
وزیر اعظم کا کہنا تھا کہ افغانستان میں امن افغانوں کے بعد سب سے زیادہ پاکستان کے مفاد میں ہے۔ افغانستان میں امن سے تجارت اور رابطے ممکن ہوں گے۔ ان تجارت اور رابطوں سے دونوں ملکوں کے عوام کیلئے خوشحالی آئے گی اور معیشت بہتری کی جانب گامزن ہوگی۔
کابل کا میرا دورہ افغانستان میں امن کے حوالے سے پاکستان کے عزمِ صمیم کے اظہار کی جانب ایک اور قدم ہے۔ میں کبھی بھی (تنازعات کے) عسکری حل کا قائل نہیں رہا چنانچہ ہمیشہ سے میرا ایمان رہا ہے کہ افغانستان میں امن سیاسی گفت و شنید ہی سے حاصل ہوگا۔
— Imran Khan (@ImranKhanPTI) November 20, 2020
