قوم کی حمایت کے ساتھ ہم دشمن کے ناپاک عزائم کو ناکام بنائیں گے، سپہ سالار

راولپنڈی: آرمی چیف جنرل قمر جاوید باجوہ نے پاکستان اسٹاک ایکسچینج پر دہشتگردوں کے حملے میں شہادت پانے والے سیکیورٹی گارڈز کو خراج تحسین پیش کیا ہے۔

ڈی جی آئی ایس آر نے اپنی ٹویٹ میں آگاہ کیا کہ سپہ سالار جنرل قمر جاوید باجوہ نے کہا ہے کہ ملک میں دیرپا امن شہدا کی قربانیوں کے باعث ممکن ہوا ہے، سیکیورٹی گارڈ زنے اپنی جانوں کوقربان کرکے دہشتگردوں کو اندر داخل ہونے سے روکا، آرمی چیف کا کہنا تھا کہ دشمن امن کو خراب کرنے کی کوششوں میں ناکام رہے گا۔

#COAS paid glowing tributes to security guards of #PSX, who sacrificed their lives as first responders vigilantly checking terrorist’s entry to PSX foiling a major terrorist incident. Appreciating LEAs for their operational readiness, COAS lauded prompt, effective… (1/2)

— DG ISPR (@OfficialDGISPR) June 29, 2020

آرمی چیف جنرل قمر جاوید باوجوہ نے مادر وطن کی حفاظت کیلئے ایک بار پھر اپنے عزم کو دہراتے ہوئے کہا کہ شہدا کی قربانیوں سے حاصل امن اور استحکام کو خراب نہیں ہونے دیا جائے گا اور دشمن کو ہمیشہ منہ کی کھانی پڑے گی۔

آرمی چیف جنرل قمر جاوید باجوہ نے مزید کہا کہ اپنی پرعزم قوم کی حمایت کے ساتھ ہم دشمن کے ناپاک عزائم کو ناکام بنائیں گے۔

انہوں نے کہا کہ رینجرز اور پولیس کا فوری ایکشن قابل تحسین ہے، قانون نافذ کرنے والے اداروں نے بروقت کارروائی کرکے مختصر وقت میں دہشت گردوں کا خاتمہ کیا۔