پی ڈی ایم الیکشن سے بھاگ رہی ہے جبکہ الیکشن ہی ملکی استحکام کا واحد حل ہے، شیخ رشید

راولپنڈی: عوامی مسلم لیگ کے سربراہ شیخ رشید احمد نے کہا ہے کہ پی ڈی ایم الیکشن سے بھاگ رہی ہے جب کہ الیکشن ہی ملکی استحکام کا واحد حل ہے۔

سماجی رابطے کی ویب سائٹ ٹوئٹر پر اپنے پیغام میں شیخ رشید احمد نے کہا کہ آج 70 وزرا 2 کے اضافے کے بعد تعداد میں 72 ہوگئے ہیں۔ لوگ سیلاب اور ڈینگی سے مررہے ہیں، یہ امریکا کے مہنگے ترین ہوٹلوں میں قیام کررہے ہیں۔

رات 2 بجے پیٹرول پر شب خون مار کے 1.50 روپے اضافہ کر دیا ہے۔ ہر روز روپے کی قدر میں کمی،اجناس، پیٹرول اور بجلی میں اضافہ ہو رہا ہے۔طاقتور بےقصور اور غریب قصوروار ٹھہرے ہیں۔ الیکشن کی طرف جانا ہے یا بند گلی میں،اسکا فیصلہ ہونے والا ہے۔ ہائیکورٹ نے پیناڈول دلائی،اب آٹا بھی دلائے

— Sheikh Rashid Ahmed (@ShkhRasheed) September 21, 2022

ٹوئٹر پیغام میں عوامی لیگ کے سربراہ شیخ رشید احمد نے کہا کہ ایک تقرری سب پر بھاری ہوگئی ہے۔ وقت آنے پر صوبائی اسمبلیاں توڑی جاسکتی ہیں۔ پی ڈی ایم الیکشن سے بھاگ رہی ہے جب کہ الیکشن ہی ملکی استحکام کا واحد حل ہے۔

یہ بھی پڑھیں:

عدالت نے الیکشن کمیشن کو عمران خان اور فواد چوہدری کیخلاف کارروائی سے روک دیا

انہوں نے رات گئے پیٹرولیم مصنوعات کی قیمتوں میں اضافے کے بارے میں کہا کہ رات 2 بجے پٹرول پر شب خون مار کے 1.50 روپے اضافہ کردیا ہے۔ ہر روز روپے کی قدر میں کمی،اجناس، پٹرول اور بجلی میں اضافہ ہورہا ہے۔

سابق وزیر داخلہ کا کہنا تھا کہ طاقتور بے قصور اور غریب قصوروار ٹھہرے ہیں۔ الیکشن کی طرف جانا ہے یا بند گلی میں، اس کا فیصلہ ہونے والا ہے۔ شیخ رشید نے کہا کہ ہائی کورٹ نے پیناڈول دلائی، اب آٹا بھی دلائے۔