عمران خان کی قیادت میں پاکستان غیر جانبدار خارجہ پالیسی کی طرف گامزن ہے۔ شیخ رشید

اسلام آباد: وفاقی وزیر داخلہ شیخ رشید نے کہا کہ عمران خان کی قیادت میں پاکستان غیر جانبدار خارجہ پالیسی کی طرف گامزن ہے، ہمیں کوشش کرنی چاہئے کہ ہم اپنے آپ کو مزید منظم کریں۔

نیشنل انسٹیٹیوٹ آف فائر اینڈ ٹیکنالوجی اسلام آباد میں تقریب سے خطاب کرتے ہوئے وزیرداخلہ شیخ رشید کا کہنا تھا کہ پاکستان عمران خان کی قیادت میں غیر جانبدار خارجہ پالیسی کی طرف گامزن ہے، ہمیں کوشش کرنی چاہئے کہ ہم اپنے آپ کو مزید منظم کریں، پہلی دفعہ ملک کے غریب آدمی کو ریلیف دیا، اب آئل اور چینی کی قیمت کو بھی کم ہونا چاہیے، جب غریب آدمی کو ریلیف ملتا ہے تو سب اس کے مخالف باتیں کرتے ہیں۔

شیخ رشید کا کہنا تھا کہ اپوزیشن ناکام ہے اور عدم اعتماد کے فیصلہ میں ابھی فاصلہ ہے، عدم اعتماد کوئی آسان کام نہیں اس سے ملک کی بنیادیں ہل جاتی ہیں، بلاول والا مارچ اپنا ہی مارچ ہے اس کی خیر ہے، 23 مارچ کے لانگ مارچ پر اپوزیشن کو سوچنا ہوگا، 23 مارچ کو جے 17سی کے 25 جہازوں کا فلائنگ پاسٹ ہوگا اور 22اور23کو تاریخی پریڈ ہوگی ،اپوزیشن کو مارچ کے فیصلے پر غور کرنا چاہیے۔

یہ بھی پڑھیں:

خیبرپختونخواہ اور اسلام آباد میں زلزلے کے جھٹکے

مزید برآں تقریب کے حوالے سے بات کرتے ہوئے وزیرداخلہ کا کہنا تھا کہ ہم نے سول ڈیفنس کی کارکردگی 8 اکتوبر کے زلزلے، اوجڑی کیمپ اور 1965 کی جنگ میں بھی دیکھی، خواہش ہے کہ سول دیفنس نوجوانوں کو کالجز میں ٹریننگ دیں ، چاروں صوبائی دارالحکومت میں تعارفی پروگرامز کیئے جائیں، کوئی بھی آفت دروازہ کھٹکھٹا کے نہیں آتی، ہمیں جنگی، قدرتی آفات اور دیگر چیلنجز سے نمٹنے کے لیے ہمہ وقت تیا رہنا چاہیے، سول ڈیفنس کی فارن ٹریننگ کا بھی بند و بست کیا جائے اور اس کے افسران کو جدید ٹیکنالوجی سے ہمکنار کروانے کہ ضرورت ہے۔