گوگل نیوز پر ہمیں فالو کریںقومی ٹیسٹ ٹیم کے سابق کپتان اور موجودہ بیٹنگ آل راؤنڈر اظہر علی نے زندگی کی 37بہاریں دیکھ لیں، کرکٹ بورڈ نے سالگرہ کے موقعے پر مبارکباد پیش کی ہے۔
سماجی رابطے کی ویب سائٹ ٹوئٹر پر اپنے پیغام میں کرکٹ بورڈ نے اظہر علی کو سالگرہ کی مبارکباد دیتے ہوئے کہا کہ دائیں ہاتھ سے کھیلنے والے بیٹر اظہر علی نے اپنے ملک پاکستان کی 144انٹرنیشنل میچز میں نمائندگی کی۔
پی ایس ایل 7، کراچی کنگز نے 8میچز کے بعد پہلی فتح حاصل کرلی
ٹوئٹر پیغام میں کرکٹ بورڈ کا کہنا ہے کہ اظہر علی نے 144 میچز میں 8 ہزار 566 رنز بنائے اور بالر کی حیثیت سے 12 کھلاڑیوں کو پویلین کی راہ دکھائی۔ اظہر علی نے سب سے زیادہ 302 رنز ویسٹ انڈیز کے خلاف بنائے۔
Happy Birthday @AzharAli_ ????
The right-handed batter has so far featured in 144 international matches for Pakistan, scoring 8,566 runs. He has also taken 12 international wickets. pic.twitter.com/qoMAC3PnI8
— Pakistan Cricket (@TheRealPCB) February 19, 2022
کرکٹ بورڈ نے سابق ٹیسٹ کپتان اظہر علی کی ایک مختصر ویڈیو بھی شیئر کی جس میں بتایا گیا ہے کہ سابق ٹیسٹ کپتان نے اپنے ٹیسٹ کیرئیر کے دوران 20 نصف سنچریاں اور 10سنچریاں اسکور کیں۔
پی سی بی کی شیئر کی گئی ویڈیو میں اظہر علی 80 سے لے کر 140 کلومیٹر تک کی رفتار سے کی گئی گیندوں کو بھی مہارت سے کھیلتے نظر آئے۔ ویسٹ انڈیز کے خلاف 302 رنز کی اننگز اظہر علی نے اکتوبر 2016 میں کھیلی تھی۔
