گوگل نیوز پر ہمیں فالو کریںاسلام آباد: قومی اسمبلی سیکرٹریٹ سے سرکلر جاری کردیا گیا ہے۔ پارلیمنٹ کا مشترکہ اجلاس آج ہوگا جس کا 2 نکاتی ایجنڈا سامنے آگیا۔
تفصیلات کے مطابق وفاقی حکومت نے پارلیمنٹ کے مشترکہ اجلاس کا شیڈول تبدیل کردیا۔ پارلیمنٹ کا مشترکہ اجلاس پیر کی شام 5 بجے ہونا تھا، جو آج 6 جولائی سہ پہر کے وقت ہوگا۔
جسٹس مسرت ہلالی کی بطور جج سپریم کورٹ تقرر کی منظوری
پارلیمنٹ کا مشترکہ اجلاس آج پارلیمنٹ ہاؤس اسلام آباد میں سہ پہر 3 بجے منعقد ہوگا۔ پی پی آئی کا کہنا ہے کہ اسپیکر قومی اسمبلی نے اجلاس کے شیڈول میں تبدیلی جوائنٹ سیٹنگ رولز 1973 کے تحت کی۔
قومی اسمبلی سیکرٹریٹ نے پارلیمنٹ کے مشترکہ اجلاس کے وقت میں تبدیلی کا باضابطہ سرکلر جاری کردیا۔ آج ہونے والے اجلاس میں سویڈن میں قرآنِ پاک نذرِ آتش کیے جانے کے خلاف متفقہ قرارداد منظور کی جائے گی۔
سویڈن میں عید کے روز قرآنِ پاک نذرِ آتش کیے جانے کے واقعے کے خلاف تحریک وفاقی وزیرِ پارلیمانی امور مرتضیٰ جاوید عباسی پیش کریں گے۔ اراکینِ پارلیمنٹ تحریک پر اظہارِ خیال کریں گے۔
تحریک پر بحث کے اختتام پر مذمتی قرارداد کثرتِ رائے سے منظور کیے جانے کا امکان ہے۔ واضح رہے کہ سویڈن میں قرآنِ پاک جلانے کے خلاف عالمِ اسلام میں شدید غم و غصہ پایا جاتا ہے۔
