گوگل نیوز پر ہمیں فالو کریںاسلام آباد: صدرِ مملکت ڈاکٹر عارف علوی نے پارلیمنٹ کا مشترکہ اجلاس آج طلب کیا ہے جس میں پاک فوج کے خلاف ہرزہ سرائی پر مبنی پراپیگنڈے کے خلاف قرارداد منظور کی جائے گی۔
تفصیلات کے مطابق پارلیمنٹ کا مشترکہ اجلاس آج سہ پہر 4 بجے ہوگا جس میں امن وامان کی بگڑتی صورتحال اور ملکی خارجہ پالیسی کے عوامل پر گفتگو اور بحث و تمحیص ہوگی۔
اسلام آباد، بلوچستان، کے پی کے میں شدید زلزلہ
پارلیمنٹ کے دونوں ایوانوں قومی اسمبلی اور سینیٹ کے مشترکہ اجلاس میں پاک فوج اور اس کی قیادت کے خلاف ہرزہ سرائی پر مذمتی قرارداد منظور کی جائے گی۔
مشترکہ اجلاس کا ایجنڈا جاری کردیا گیا۔ اجلاس میں خارجہ پالیسی کے علاوہ ملک کی معاشی صورتحال اور موسمیاتی تبدیلی پر بھی گفتگو ہوگی۔ اراکینِ اسمبلی و سینیٹ اجلاس میں شریک ہوں گے۔
خیال رہے کہ اس سے قبل اہم قومی معاملات پر غور کیلئے پارلیمنٹ کا مشترکہ اجلاس گزشتہ ماہ ہوا۔ آج شام 4 بجے ہونے والے اجلاس کے ایجنڈے میں سیاسی و اقتصادی امور بھی شامل تھے۔
گزشتہ ماہ 13فروری کو پارلیمنٹ کے مشترکہ اجلاس کے ساتھ ساتھ سینیٹ کا اجلاس بھی طلب کر لیا گیا۔ ماہرین کے مطابق ماضی میں بھی پارلیمنٹ کے مشترکہ اجلاس کے ساتھ ساتھ ایوانِ بالا کا اجلاس منعقد کیے جانے کی مثال موجود ہے۔
