کورونا کے خدشات، پالپا نے چار پائلٹوں کو پروازوں سے روک دیا

اسلام آباد : پاکستان ایئر لائن پائلٹ ایسوسی ایشن پالپا نے اتوار کے روز کورونا وائرس کے پھیلاؤ کے خدشات کے پیش نظر چار ممبر پائلٹوں کو پروازوں سے روک دیا ہے۔

ایک بیان میں پالپا نے بتایا کہ ہوائی جہازوں کو اڑانے کی اجازت انسانیت کی بنیاد پر دی گئی تھی لیکن پاکستان انٹرنیشنل ایئرلائنز پائلٹوں کو محفوظ ماحول فراہم کرنے میں ناکام رہی ہے۔

ایسوسی ایشن نے مزید کہا کہ قومی پرچم بردار جہاز نے معیاری آپریٹنگ طریقہ کار (ایس او پیز) کی خلاف ورزی کی ہے۔

مزید پڑھیں: سعودی ایوی ایشن کا تمام کمرشل پروازوں کو دو ہفتوں کے لیے منسوخ کرنے کا فیصلہ

واضح رہے کہ کورونا وائرس کے باعث اندرون و بیرون ملک فلائٹس آپریشن معطل ہیں تاہم بیرون ممالک پھنسے ہوئے پاکستانیوں کو واپس لانے اور غیر ملکیوں کو ان کے متعلقہ ممالک پہنچانے کیلئے خصوصی پروازیں چلائی جارہی ہیں۔