گوگل نیوز پر ہمیں فالو کریںفلسطینی صدر محمود عباس نے اقوام متحدہ کے رکن ممالک سے مطالبہ کیا ہے کہ دنیا فلسطین اور مشرق وسطیٰ کے لیے امریکی صدر ڈونلڈ ٹرمپ کے نام نہاد امن منصوبے کو بیرونی تسلط قرار دیتے ہوئے مسترد کرے۔
فلسطینی صدر محمود عباس اسرائیل اور فلسطین کے مابین امریکی صدر کا متنازع امن منصوبہ پائیدار امن نہیں لا سکے گا، میں ڈونلڈ ٹرمپ سےکہنا چاہتا ہوں کہ ان کا پیش کردہ منصوبہ امن اور سلامتی نہیں لاسکتا کیونکہ اس سے بین الاقوامی قانونی جواز ختم ہوجاتا ہے۔
انہوں نے کہا کہ امریکی صدر کے متنازع امن منصوبے سے فلسطینیوں کے تمام حقوق منسوخ کردیے گئے، اگر ٹرمپ امن منصوبہ مسلط کرنا چاہتے تو یہ قائم نہیں رہ سکتا، یہ ہرگز قائم نہیں رہ سکتا اور اس سے دو ریاستی حل کی امنگوں کو پورا نہیں کیا جاسکتا ہے۔
فلسطینی صدر کا کہنا تھا کہ ٹرمپ کویہ حق کس نے دیا کہ دوزمینوں الحاق کردیں، اسرائیل کے ساتھ امن ‘قابل حصول رہا اور میں شراکت قائم کرنا چاہتا تھا، یہ متنازع امن معاہدہ بین الاقوامی شراکت نہیں ہے۔
ان کا کہنا تھا کہ یہ تجویز ایک ریاست کی تھی جسے مسلط کرنے کے لیے دوسری ریاست کی حمایت حاصل تھی، فلسطینی اس منصوبے کے خلاف بین الاقوامی حمایت حاصل کرنا چاہتے ہیں۔
مزید پڑھیں: او آئی سی نے امریکی صدرٹرمپ کا مشرق وسطیٰ کاامن منصوبہ مسترد کردیا
