رواں مالی سال کے پہلے چھ ماہ میں پاکستان کی چین کو چاول کی برآمدات میں اضافہ

بیجنگ: عوامی جمہوریہ چین کے کسٹمز کی جنرل ایڈمنسٹریشن کے مطابق، اس سال کے پہلے چھ ماہ میں پاکستان کی چین کو چاول کی برآمدات کی مالیت تقریباً 345 ملین امریکی ڈالر ہے، جو گزشتہ سال کی اسی مدت میں 258 ملین امریکی ڈالر تھی۔

پاکستان کی چاول کی برآمدات میں مالی سال 2021-2022 میں 23 فیصد اضافہ دیکھا گیا اور مالی سال 2020-2021 میں 2.041 بلین امریکی ڈالر کے مقابلے میں 2.511 بلین امریکی ڈالر تک پہنچ گئی۔

سرکاری اعداد و شمار کے مطابق، پاکستان نے مالی سال 2021-22 میں 4.877 ملین ٹن چاول برآمد کیے جو کہ مالی سال 2020-2021 میں 3.684 ملین ٹن تھے، جو کہ 32.35 فیصد اضافہ کو ظاہر کرتا ہے۔ گزشتہ چند سالوں میں، چاول کی کاشت کے تحت علاقوں میں اضافہ ہو رہا ہے۔

اس سال چاول کی فصل کی بوائی 3,537 ہزار ہیکٹر پر ہوئی تھی جو کہ گزشتہ سال کے 3,335 ہزار ہیکٹر کے مقابلے میں 6.1 فیصد زیادہ ہے۔

چائنا اکنامک نیٹ (CEN) کی رپورٹ کے مطابق، 2021-2022 کے دوران چاول کی ریکارڈ بلند پیداوار 9.323 ملین ٹن رہی، جو پچھلے سال کی 8.420 ملین ٹن کی پیداوار سے 10.7 فیصد زیادہ ہے۔

رقبہ میں اضافے کے علاوہ، چاول کی پیداوار میں اضافہ پاکستان کے چاول کی برآمدات میں اضافے کا ایک اور اہم عنصر ہے۔

مزید پڑھیں:عوام پر بجلی کا ایک اور جھٹکا، وفاقی کابینہ نے قیمت میں ساڑھے تین روپے اضافہ کردیا

اچھی اقسام کی تجدید اور جدید ٹیکنالوجی کا استعمال زیادہ پیداوار کو فروغ دینے کے لیے ضروری عوامل ہیں۔ چین کے ہائبرڈ چاول نے کچھ پسماندہ مقامی اقسام کی جگہ لے لی ہے۔