195 کے حیران کن IQ اسکور کے ساتھ 4 سالہ پاکستانی بچے محمد ایاد نے اناٹومی اور فزیالوجی میں دنیا کے کم عمر ترین ماہر کے طور پر تاریخ رقم کی ہے۔
انسانی جسم کے آرگن اور باڈی پارٹس کے بارے میں چار سالہ ایاد کے غیر معمولی علم اور سمجھ بوجھ نے پوری دنیا کو حیرت زدہ کر دیا ہے، اس ہونہار بچے نے انسانی اناٹومی کے 12 بڑے نظاموں کی پیچیدگیوں کی بڑی آسانی سے وضاحت کی ہے۔
اس کا علم پٹھوں کے نظام سے لے کر دماغی نظام کی باریکیوں تک پھیلا ہوا ہے، جس سے ظاہر ہوتا ہے کہ اس کے پاس اپنی عمر کی نسبت کہیں زیادہ مہارت موجود ہے اور عام بچوں کے مقابلے میں اس کی دانشورانہ صلاحیتیں غیر معمولی زیادہ ہیں۔
ایاد کا ایک منفرد اعزاز یہ بھی ہے کہ اسے تعلیمی شعبے میں خدمات کے لیے اس کی لگن و شوق کے اعتراف میں، اسے پاکستان کے اعلیٰ ترین سول اعزاز تمغہ قائداعظم سے بھی نوازا گیا ہے۔