اسلام آباد: وزیرِ اعظم کے معاونِ خصوصی برائے سمندر پار پاکستانیز سیّد ذوالفقار بخاری نے کہا ہے کہ امریکا میں موجو پاکستانی 2 مئی کو وطن واپسی کی اُڑان بھر سکتے ہیں۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی زلفی بخاری نے کہا کہ میں امریکی دارالحکومت واشنگٹن ڈی سی میں موجود پاکستانیوں سے کہنا چاہتا ہوں کہ اگر آپ وطن واپس آنا چاہتے ہیں تو قطر ائیر ویز کی فلائٹ 2 مئی کو پاکستان آئے گی۔
معاونِ خصوصی زلفی بخاری نے کہا کہ قطر ائیر ویز کی اسلام آباد کیلئے خصوصی پرواز میں سیٹیں بک کروانے کیلئے امریکا میں موجود پاکستانیوں سے درخواست ہے کہ آن لائن بکنگ کروا لیں جبکہ یہ فلائٹ واشنگٹن سے 2مئی کو پاکستان روانہ ہوگی۔
Pakistanis in Washington DC ❗️
If you’re looking to travel back to Pakistan, @qatarairways will be flying to Islamabad on 2nd May,2020.
The flight can be found available for booking online.— Sayed Z Bukhari (@sayedzbukhari) April 28, 2020
یاد رہے کہ اس سے قبل وزیرِ اعظم پاکستان عمران خان کی ہدایت پر بیرونِ ملک سے پاکستانیوں کو وطن واپس لانے کے لیے ائیر لائن کی پروازوں کی تعداد میں اضافہ کردیا گیا۔
ٹوئٹر پر3 روز قبل معاونِ خصوصی زلفی بخاری نے کہا کہ ہمارے ہم وطنوں کو پاکستان واپس لانے کے لیے فلائٹس میں وزیرِ اعظم کی ہدایت پر اضافہ کیا جا رہا ہے۔
مزید پڑھیں: پاکستانیوں کو وطن واپس لانے کیلئے پروازوں میں اضافہ