گوگل نیوز پر ہمیں فالو کریںپاکستان کے شہر اوکاڑہ سے حج کے لیے پیدل سفر کرنے والے عثمان ارشد 5400 کلومیٹر کا فاصلہ طے کر کے سعودی عرب کے شہر مکہ پہنچ گئے ہیں۔
نوجوان عثمان نےحج کے لیے اپنے آبائی علاقے پنجاب کے شہر اوکاڑہ سے گزشتہ سال یکم اکتوبر کو پیدل سفر کا آغاز کیا تھا۔
جمعےکو ایک ٹوئٹ میں عثمان نے بتایا کہ مکہ پہنچ کر انہوں نے عمرے کی سعادت حاصل کر لی ہے، جس کی انہوں نے ایک تصویر بھی شیئر کی ہے۔
Alhamdulillah after crossing three borders, I have covered a distance of 5400 kilometers in six months and 13 days and reached Makkah. The journey that started on October 1st from Okara on foot has reached its end today. Allah I thank you millions of times for everything ❤️ pic.twitter.com/hei1AStxrE
— Usman Arshad (@usmanarshad63) April 13, 2023
اس سے قبل ایک اور ٹوئٹ میں انہوں نے بتایا کہ وہ چھ ماہ اور تیرہ دن میں 5400 کلو میٹر کا سفر پیدل طے کرنے کے بعد مکہ پہنچے ہیں۔
عثمان اپنے سفر کے دوران ایک ماہ میں بلوچستان کے دارالحکومت کوئٹہ پہنچے تھے جس کے بعد وہ ایران میں داخل ہوئے۔ پیدل سفر کے دوران انہوں نے ویزے کی مشکلات کے سبب ایران سے دبئی بحری سفر اختیار کرنا پڑا۔
واضح رہے کہ پیدل سفر کر کے مکہ پہنچنے سے قبل عثمان اپنے آبائی علاقے اوکاڑہ سے خنجراب پاس تک کا پیدل سفر کر چکے ہیں۔ یہ سفر انہوں نے تقریباً 34 دن میں طے کیا تھا۔
