گوگل نیوز پر ہمیں فالو کریںراولپنڈی ٹیسٹ میں شریک پاکستان کرکٹ ٹیم کے فاسٹ بولر نسیم شاہ کا کہنا ہے کہ راولپنڈی ٹیسٹ میں اچھی پچ بنانے کی پوری کوشش کی ہوگی، شاید گرمی کی وجہ سے پچ ویسی نہیں بن پائی جیسا سوچا تھا۔
راولپنڈی ٹیسٹ کے چوتھے روز کھیل کے اختتام پر پریس کانفرنس کرتے ہوئے نسیم شاہ کا کہنا تھا کہ ہمیں ہوم ایڈوانٹیج کا سوچنا پڑے گا اگر رزلٹ اپنے حق میں لانا ہے۔
نسیم شاہ کا کہنا تھا کہ پاکستانی بولرز نے ویسی پرفارمنس نہیں دی جو امید کی جا رہی تھی، ہم نے سوچا تھا کہ فاسٹ بولرز کو پچ سے مدد ملےگی، چار فاسٹ بولرز کے ساتھ جانےکا مطلب فاسٹ بولرز سے ٹیسٹ میچ جیتنا ہے، پچ پر گھاس ہے، مشکل ہے اسپنرز کو مدد ملے، پچ کے اطراف میں گھاس تھی، ریورس سوئنگ کرنا بھی ایسی کنڈیشنر میں مشکل ہے۔
ان کا کہنا تھا کہ ڈیڑھ سال بعد ٹیسٹ کرکٹ کھیلا ہوں، ردھم میں آنے کے لیے وقت لگتا ہے، اچھی فیلڈنگ کرنے کی کوشش کی، فیلڈنگ میں غلطی ہوجاتی ہے۔
