قومی ویمن ٹیم کی آل راؤنڈر ندا ڈار کیلئے پلیئر آف دی منتھ کا اعزاز

آئی سی سی کا کہنا ہے کہ ندا ڈار نے اکتوبر کے مہینے میں بیٹنگ اور باؤلنگ دونوں کے ساتھ بہترین کارکردگی کا مظاہرہ کیا جبکہ اسی اعزاز کیلئے بھارتی کھلاڑی جمائمہ راڈرگس اور دیپتی شرما بھی نامزد ہوئیں۔

پاکستانی ویمن ٹیم کی اہم کھلاڑی ندا ڈار نے اعزاز کے متعلق مسرت کا اظہار کرتے ہوئے کہا کہ آئی سی سی ایوارڈ کیلئے نامزدگی ہی میرے لیے کسی اعزاز سے کم نہیں۔

قبل ازیں ندا ڈار ٹی 20 انٹرنیشنل میچز میں 100 وکٹس مکمل کرنے والی پہلی پاکستانی ویمن باؤلر بن گئیں۔ ندا ڈار نے یہ سنگِ میل گزشتہ برس ویسٹ انڈیز کے خلاف میچ میں عبور کر لیا۔

ندا ڈار نے اگست 2021 میں ویسٹ انڈیز میں کھیلے گئے میچ میں 2 وکٹس حاصل کیں تاہم پاکستان یہ میچ جیتنے میں کامیاب نہ ہوسکا جبکہ ویسٹ انڈین ویمن ٹیم 10 رنز سے میچ جیت گئی تھی۔