کراچی ٹیسٹ میں پاکستان فتح یاب، جنوبی افریقہ کو 7وکٹوں سے شکست

کراچی: کراچی ٹیسٹ میں پاکستان نے فتح اپنے نام کرلی، جنوبی افریقا نے پاکستان کو جیت کے لیے 88 رنز کا آسان ہدف دیا جو پاکستان نے 3 وکٹ کے نقصان پر پورا کرلیا۔

کراچی کے نیشنل اسٹیڈیم میں کھیلے گئے ٹیسٹ میچ میں ساؤتھ افریقہ نے پہلی اننگز میں 220 رنز بنائے جس کے جواب میں پاکستانی ٹیم فواد عالم کی سنچری کی بدولت 378 رنز بنانے میں کامیاب رہی اور یوں پاکستان کو 158 رنز کی برتری حاصل ہوئی، جس کے جواب میں مہمان ٹیم 245 رنز بناکر آؤٹ ہوگئی۔

pic.twitter.com/pJDN9lmvDR

— Pakistan Cricket (@TheRealPCB) January 29, 2021

جنوبی افریقا کی جانب سے ملنے والے 88 رنز کے آسان ہدف کے تعاقب میں پاکستان نے 3 وکٹیں گنوایں۔ عمران بٹ 12،۔ عابد علی 10 اور کپتان بابراعظم 30 رنز بناکر آؤٹ ہوئے۔ جبکہ اظہر علی 31 رنز بناکر ناٹ آؤٹ رہے۔

.@Shah64Y on ????#PAKvSA | #HarHaalMainCricket | #BackTheBoysInGreen https://t.co/bEMfSHbOgM pic.twitter.com/Zm2bVUXsOK

— Pakistan Cricket (@TheRealPCB) January 28, 2021

دوسری اننگز میں مہمان ٹیم کی جانب سے ڈین ایلگر 29 رنز پر آؤٹ ہوئے۔ وین ڈیر ڈاسن اور اور ایڈن مارکرم نے 127 رنز کی اہم شراکت قائم کی اس دوران دونوں بلے بازوں نے اپنی نصف سنچریاں مکمل کی تاہم یاسر شاہ نے اس شراکت کا خاتمہ کرتے ہوئے ڈاسن کو 64 رنز پر پویلین واپس بھیج دیا۔

تیسرے روز کے اختتام میں صرف 4 اوورز باقی تھے لیکن فاف ڈپلسی نے اپنی وکٹ گنوادیں وہ 10 رنز پر یاسر شاہ کا شکار بنے جب کہ اگلے ہی اوور میں سیٹ بلے باز ماکرم 74 رنز کی اننگز کھیلنے کے بعد نعمان علی کا شکار بن گئے۔ قومی ٹیم کی جانب سے یاسر شاہ نے 4، نعمان علی اور حسن علی نے ایک ایک وکٹ حاصل کی۔

چوتھے روز مہمان ٹیم نے 4 وکٹ کے نقصان پر 187 رنز سے اپنی نامکمل اننگز کا آغاز کیا۔ کیشو مہاراج کو 2 رنز پر حسن علی نے بولڈ کیا اور کپتان ڈی کوک کی اننگز کا خاتمہ یاسر شاہ نے کیا وہ بھی 2 رنز ہی بناسکے۔ 

قومی ٹیم کی جانب سے دوسری اننگز میں اسپنرز چھائے رہے۔ نعمان علی نے 5 اور یاسر شاہ نے 4 وکٹیں حاصل کیں جب کہ ایک وکٹ حسن علی کے حصے میں آئی۔مجموعی طور پر دیکھا جائے اسپنر نے شاندار کارکردگی کا مظاہرہ کیا۔