گوگل نیوز پر ہمیں فالو کریںاسلام آباد : رواں مالی سال کے پہلے 8 ماہ دوران تجارتی خسارہ 17.53 ارب ڈالر تک پہنچ گیا ، گزشتہ سال تجارتی خسارے کا حجم 15.85ارب ڈالر ریکارڈ کیا گیا تھا۔
تفصیلات کے مطابق وفاقی ادارہ شماریات کی جانب سے رواں مالی سال کے پہلے 8 ماہ کے تجارتی اعداد و شمار جاری کردیئے، جس میں بتایا گیا کہ رواں مالی سال جولائی سے فروری کے دوران تجارتی خسارہ 10.64 فیصد مزید بڑھ گیا ہے۔
ادارہ شماریات کا کہنا تھا کہ ملکی برآمدات 4.29 فیصد اضافے سے 16.30 ارب ڈالر اور ملکی درآمدات 7.49 فیصد اضافے سے 33.84 ارب ڈالر رہیں اور تجارتی خسارہ بڑھ کر 17.53 ارب ڈالر سے زائد ہو گیا۔
اعداد و شمار کے مطابق گزشتہ سال تجارتی خسارے کا حجم 15.85 ارب ڈالر ریکارڈ کیا گیا تھا ، فروری 2021 میں برآمدات 4.12 فیصد کمی سے 2.04 ارب ڈالر اور ملکی درآمدات 9.55 فیصد اضافے سے 4.56 ارب ڈالر رہیں۔
وفاقی ادارہ شماریات نے کہا ہے کہ فروری 2021 میں تجارتی خسارہ 3.93 فیصد اضافے سے 2.51 ارب ڈالر رہا۔
یہ بھی پڑھیں: امریکی سینیٹ نے 1.9 ٹریلین ڈالر کے امدادی پیکج کی منظوری دے دی
