ایشیا کپ، پاکستانی ہاکی ٹیم کا مقابلہ جاپان سے آج ہوگا

انڈونیشیا کے دارالحکومت جکارتہ میں قومی ہاکی ٹیم کا مقابلہ سپر فور مرحلے کیلئے کوالیفائی کر جانے والی جاپان سے آج ہوگا۔

تفصیلات کے مطابق جکارتہ میں 23 مئی کے روز بھارت کا سامنا کرنے والی قومی ٹیم آج جاپان کے خلاف اہم میچ کھیلے گی۔ آج دوپہر 2 بجے پاکستان اور جاپان آمنے سامنے ہوں گے۔ پول اے کی ٹیم جاپان نے 6 پوائنٹس حاصل کرکے ٹاپ 4میں جگہ بنا لی۔

یہ بھی پڑھیں:

آسٹریلیا کے کھلاڑیوں کا دورہ سری لنکا پر تشویش کا اظہار

تاحال قومی ٹیم نے 4 پوائنٹس حاصل کیے ہیں۔ بھارت نے 1 پوائنٹ حاصل کیا۔ سپر فور مرحلے تک رسائی حاصل کرنے کیلئے پاکستان کو اپنا یہ میچ جیتنا یا کم از کم ڈرا کرنا ہوگا تاہم ہار کی صورت میں سپر فور مرحلے تک رسائی خواب بن کر رہ جائے گی۔

شکست کی صورت میں پاکستان کو اگلے مرحلے میں جانے کیلئے بھارت پر انحصار کرنا ہوگا اور قومی ٹیم اسی صورت میں سپر فور تک رسائی حاصل کرے گی اگر بھارت انڈونیشیا کے خلاف میچ 16گولز کے فرق سے جیت جائے، تاہم بھارت شاید ہی ایسا ہونے دے۔

آئندہ برس جنوری میں ورلڈ کپ کی میزبانی بھارت کے حصے میں آئی ہے، اس لیے بھارتی ٹیم پہلے ہی ورلڈ کپ تک رسائی حاصل کرچکی ہے جبکہ ایشیا سے دیگر 3 ٹیموں کا فیصلہ ایشیا کپ کے اختتام پر ہوگا جبکہ ایشیا کپ میں پاکستانی ٹیم کی کارکردگی مثالی رہی ہے۔