پاکستان اور ویسٹ انڈیز کے درمیان ون ڈے سیریز ملتان منتقل

تاہم اب پاکستان کرکٹ بورڈ نے میچز کی ملتان منتقلی کا باضابطہ طور پر اعلان کردیا ہے، یہ میچز 8، 10 اور 12 جون کو شام چار بجے منعقد ہوں گے۔

ملتان کے ساتھ سیریز کے سلسلے میں پاکستان کرکٹ ٹیم کا تربیتی کیمپ یکم سے چار جون تک منعقد ہوگا جس کے بعد اسکواڈ پانچ جون کو ملتان چلا جائے گا۔

یہ بھی پڑھیں: پاکستانی ویمن ٹیم آسٹریلیا کے خلاف کون سا میچ کب کھیلے گی؟ شیڈول کااعلان

کاؤنٹی کرکٹ کھیلنے کے لیے برطانیہ میں مصروف شاداب خان اور حارث رؤف یکم جون کو وطن واپس پہنچ کر اگلے دن پاکستان کیمپ کو جوائن کر لیں گے۔

ویسٹ انڈیز کا اسکواڈ چھ جون کو اسلام آباد پہنچے گا اور خصوصی چارٹر طیارے میں ملتان پہنچایا جائے گا۔

پاکستان کرکٹ ٹیم کا اسکواڈ

سیریز کیلئے پاکستان کا اسکواڈ ان کھلاڑیوں پر مشتمل ہے۔ بابر اعظم(کپتان)، شاداب خان، عبداللہ شفیق، فخر زمان، حارث رؤف، حسن علی، افتخاراحمد، امام الحق، خوشدل شاہ، محمد حارث، محمد نواز، محمد رضوان، محمد وسیم جونیئر، شاہین شاہ آفریدی، شاہنواز دھانی اور زاہد محمود۔