پہلا ٹیسٹ، حسن علی کی 5وکٹیں،بنگلہ دیش پہلی اننگ میں 330 رنز بناکر آؤٹ

چٹاگانگ :پاکستان کے خلاف پہلے ٹیسٹ کے دوسرے روز بنگلہ دیش کی ٹیم 330 رنز بناکر آؤٹ ہوگئی، حسن علی 5 وکٹیں لے اڑے۔

دوسرے روز بنگلہ دیش نے 253 رنز سے اننگز دوبارہ شروع کی تاہم بنگلہ دیشی بلے باز یکے بعد دیگر آؤٹ ہوتے رہے اور پوری ٹیم 330 پر پویلین لوٹ گئی۔

چٹاگانگ میں کھیلے جارہے پہلے ٹیسٹ میچ میں بنگلہ دیش نے ٹاس جیت کر بیٹنگ کا فیصلہ کیا۔میزبان ٹیم کو 19 کے مجموعی اسکور پر پہلا نقصان اٹھانا پڑا اور سیف حسن 14 رنز بنا کر شاہین شاہ آفریدی کا شکار بنے۔
دوسرے اوپنر شادمان اسلام کی اننگز 33 کے مجموعے پر اختتام کو پہنچی اور وہ 14 کے انفرادی اسکور پر حسن علی کی گیند پر ایل بھی ڈبلیو آؤٹ ہوئے۔

مزید پڑھیں:پہلا ٹیسٹ،مشفیق الرحیم اور لٹن داس کی محتاط بیٹنگ، بنگلہ دیش نے 253 رنز بنالئے

کپتان مومن الحق بھی بڑی اننگز کھیلنے میں ناکام رہے اور 6 رنز بنا کر آؤٹ ہوگئے، نجم الحسین شانتو 14 رنز بنا کر پویلین لوٹے۔49 رنز پر چار وکٹیں گنوانے کے بعد مشفیق الرحیم اور لٹن داس نے محتاط انداز میں بیٹنگ کرتے ہوئے ٹیم کو سہارا دیا اور پاکستانی باؤلرز کو مزید وکٹیں لینے کا کوئی موقع نہ دیا۔

دونوں نے دوسرے اور تیسرے سیشن میں بہترین کھیل پیش کرتے ہوئے 204 رنز کی شراکت سے ٹیم کا اسکور 253 رنز تک پہنچا کر اسے مشکلات سے نکال دیا۔

لٹن داس نے اپنے ٹیسٹ کریئر کی پہلی سنچری اسکور کی اور 113 رنز بنا کر مشفیق الرحیم کے ساتھ کریز پر موجود ہیں جو 82 رنز بنا چکے ہیں۔پاکستان کی جانب سے عبداللہ شفیق اور بنگلہ دیش کے یاسر علی نے ٹیسٹ ڈیبیو کیا ۔

پاکستان کی طرف سے حسن علی نے 5، شاہین آفریدی اورفہیم اشرف نے دو،دو اور ساجد خان نے ایک کھلاڑی کو آؤٹ کیا۔