پاکستان میں کورونا سے مزید 141اموات،4199شہری وباء کا شکار

اسلام آباد: پاکستان میں موذی کورونا وائرس کے وار جاری، وباء نے 4199شہریوں کو اپنی لپیٹ میں لے لیا، پہلے سے متاثرہ 141 شہری چل بسے۔

نیشنل کمانڈ اینڈ آپریشن سینٹر کی جانب سے جاری کردہ اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس سے ہونے والی اموات میں اضافہ ریکارڈ کیا گیا۔

این سی او سی کے اعداد و شمار کے مطابق 141نئی اموات کے بعد کورونا سے مرنے والوں کی مجموعی تعداد بڑھ کر 25ہزار220 ہو گئی ہے جبکہ 4ہزار199 نئے کیسزکے بعدمتاثرین کی تعداد 11لاکھ 35ہزار858 ہو گئی ہے۔

Statistics 25 Aug 21:
Total Tests in Last 24 Hours: 61,410
Positive Cases: 4199
Positivity % : 6.83%
Deaths : 141

— NCOC (@OfficialNcoc) August 25, 2021

گزشتہ 24 گھنٹوں کے دوران پاکستان بھر میں کل 61ہزار410 ٹیسٹ کیے گئے جبکہ مثبت تناسب 6اعشاریہ 83 فیصد رہا۔گزشتہ 24 گھنٹوں کے دوران 3ہزار915 مریض وائرس سے صحت یاب ہوئے جبکہ ملک میں فعال کیسز کی تعداد 91ہزار204 ریکارڈ کی گئی۔

مزید پڑھیں:دُنیا بھر میں کورونا سے 21کروڑ 34لاکھ افراد متاثر، 44لاکھ 56ہزار ہلاک

دوسری جانب لاڑکانہ کے بعد کراچی میں بھی ایچ آئی وی ایڈز کیسز میں اضافہ ہوگیا ہے،پی ٹی آئی رہنماخرم شیر زمان نے اظہار تشویش کرتے ہوئے کہا ہے کہ حکومت نے ایڈز پر قابو نہ پایا تو تشویشناک حد تک اضافہ ہوسکتا ہے۔

اس ضمن میں ڈپٹی ڈائریکٹر جنرل معتدی الامراض سندھ ڈاکٹر ارشاد کاظمی نے اپنے وڈیو بیان میں بتایاکہ محتاط اندازے کے مطابق سندھ میں 70 تا 78 ہزار ایچ آئی وی مریض ہیں، ان میں سے صرف 13 ہزار 864 مریض رجسٹرڈ ہیں۔

متاثر ہونے والوں میں 9166 مرد،2461 خواتین، 1126 لڑکے، 730 لڑکیاں اور 421 خواجہ سرا شامل ہیں۔انہوں نے بتایاکہ لاڑکانہ میں ایچ آئی وی کے رجسٹرڈ کیسز کی تعداد 2 ہزار 430 جبکہ حیدرآباد میں ایک ہزار 89 تک پہنچ گئی ہے۔

ڈاکٹر ارشاد کاظمی نے کہا کہ کراچی میں ایچ آئی وی کے 6 ہزار 768 کیسز رپورٹ ہوئے ہیں، کراچی کے ضلع وسطی میں سب سے زیادہ مریض ہیں ضلع وسطی میں ایچ آئی وی کے 2 ہزار 725 کیسز موجود ہیں۔