گوگل نیوز پر ہمیں فالو کریںاسلام آباد: پاکستان نے ہمسایہ اسلامی ملک افغانستان کی صورتحال پر اسلامی تعاون تنظیم (او آئی سی) کے غیر معمولی اجلاس کی میزبانی کی پیشکش کی ہے۔ وزیر خارجہ کا کہنا ہے کہ آج افغان بھائیوں کو ہماری پہلے سے زیادہ ضرورت ہے۔
تفصیلات کے مطابق وزیرِ خارجہ نے او آئی سی اجلاس کی میزبانی سے متعلق ویڈیو بیان جاری کردیا۔ شاہ محمود قریشی نے کہا کہ ہم 17 دسمبر کو اسلام آباد میں او آئی سی اجلاس کی میزبانی کی پیشکش کرتے ہیں، یقین ہے کہ رکن ممالک پیشکش کی توثیق کریں گے۔
افغان صورتحال،سعودیہ نے پاکستان میں او آئی سی کا اجلاس طلب کرلیا
افغانستان میں امن و استحکام پورے خطہ کیلئے ضروری ہے، پاکستان
➖Pakistan endorses the initiative of Kingdom of Saudi Arabia to request an Extraordinary Session of @OIC_OCI CFM on 17 December to consider the situation in #Afghanistan.
➖In a video message, FM @SMQureshiPTI has offered to host the meeting in #Islamabad.
🎬 ⬇️ pic.twitter.com/Ps5cU8iPyS
— Ministry of Foreign Affairs – Pakistan (@ForeignOfficePk) November 29, 2021
اپنے ویڈیو بیان میں وزیرِ خارجہ مخدوم شاہ محمود قریشی نے کہا کہ افغانستان او آئی سی کا بانی رکن ہے اور پاکستان افغان عوام سے برادرانہ دوستی اور بھائی چارے کے بندھن میں بندھا ہوا ہے۔ آج افغان بھائی بہنوں کو ہماری پہلے سے کہیں زیادہ ضرورت ہے۔
ویڈیو بیان میں وزیرِ خارجہ نے کہا کہ افغانستان سنگین انسانی المیے کا سامنا کررہا ہے۔ خواتین اور بچوں سمیت لاکھوں افغان عوام خوراک، ادویات اور دیگر ضروری سامان کی کمی کے باعث غیر یقینی صورتحال کا شکار ہیں۔ سردی کی آمد سے بحران مزید بڑھ گیا۔
بیان میں وزیر خارجہ نے اسلامی تعاون کی تنظیم پر زور دیا کہ افغان عوام کی انسانی ضروریات پوری کرنے، فوری اور پائیدار امداد فراہم کرنے اور ملک کی فلاح و بہبود اور خوشحالی کیلئے آگے آئے۔ او آئی سی کا افغانستان پر پہلا غیر معمولی اجلاس 1980ء میں ہوا تھا۔
وزیرِ خارجہ نے کہا کہ آئندہ ماہ ہم ایک بار پھر اسلام آباد میں جمع ہوں گے تاکہ افغان عوام سے اظہارِ یکجہتی و حمایت کا اعادہ کیا جائے۔ مجھے یقین ہے کہ اجلاس میں افغانوں کو درپیش معاشی چیلنجز سے نمٹنے کیلئے ٹھوس اقدامات زیرغور آئیں گے۔
