کورونا وائرس کی آفت میں ہماری حمایت کرنے والا پہلا ملک پاکستان ہے۔چین

بیجنگ: ہمسایہ ملک چین نے کورونا وائرس کی آفت میں حمایت پر پاکستان کا شکریہ ادا کرتے ہوئے اعتراف کیا ہے کہ کورونا وائرس کے بعد ہماری حمایت کرنے والا پہلا ملک پاکستان ہے۔

چینی وزارتِ خارجہ سے جاری کردہ بیان کے مطابق پاکستان نےکورونا وائرس کے خلاف ہمارے ساتھ یکجہتی کا اظہار کیا۔ پاکستانی سینیٹ میں اظہارِ یکجہتی کے لیے باضابطہ قرارداد منظور کی گئی۔

وزارتِ خارجہ بیان کے مطابق مذکورہ قرارداد کورونا وائرس سے نمٹنے کے لیے چینی کاوشوں کے اعتراف کیلئے الگ نوعیت کا اقدام ہے جبکہ چین میں موجود پاکستانی طلباء کا ہر طرح خیال رکھا جائے گا۔

سماجی رابطے کی ویب سائٹ ٹوئٹر پر اپنے پیغام میں ترجمان دفترِ خارجہ نے کہا کہ پاکستان ان پہلے ممالک میں شامل تھا جنہوں نے چین کے لیے آواز اٹھائی۔ ہماری کاوشوں کی حمایت کے لیے پاکستانی مقننہ نے قرارداد منظور کی۔

ترجمان دفترِ خارجہ نے کہا کہ دنیا میں یہ اپنی نوعیت کا پہلا اقدام تھا جبکہ چین وہان میں موجود پاکستانی طلباء کی کورونا وائرس سے حفاظت کے لیے بہترین دیکھ بھال کے فرائض انجام دیتا رہے گا۔ 

After the outbreak, Pakistan was among the 1st countries to voice support and make donations to China. Its legislature passed resolutions in support of our efforts, the 1st move of this kind in the world. China will take good care of Pakistanis in China like our own citizens. pic.twitter.com/U3sshStqby

— Spokesperson发言人办公室 (@MFA_China) February 24, 2020

یاد رہے کہ اس سے قبل وفاقی دارالحکومت اسلام آباد میں قائم چینی سفارت خانے نے پاکستانی طلباءکو وطن واپس لانے کے عمل کی مخالفت کرتے ہوئے کہا کہ یقین رکھیں، طلباء محفوظ اور صحت مند ہیں۔ 

سماجی رابطے کی ویب سائٹ ٹوئٹر پرگزشتہ روز  اپنے پیغام میں چینی سفارت خانے نے کہا کہ چین اپنی بہترین صلاحیتوں کوبروئے کارلاتے ہوئے کورونا وائرس  کے خلاف برسِرپیکار ہے۔ 

مزید پڑھیں:  چین کی طلباء کو پاکستان واپس لانے کی مخالفت