گوگل نیوز پر ہمیں فالو کریںپاکستان نے بھارت کو خبردار کرتے ہوئے کہا ہے کہ اگر نئی دہلی نے کوئی ایڈونچر کرنے کی کوشش کی تو پاکستان ایٹمی حملہ کرسکتا ہے ۔
پاکستان کے سفیر محمد خالد جمالی کا کہنا ہے کہ بھارت کیخلاف اپنے دفاع میں جوہری اور روایتی دونوں طاقت استعمال کریں گے۔
محمد خالد جمالی نے کہا کہ ہمارے پاس انٹیلی جنس شواہد ہیں کہ بھارت پاکستان پر حملہ کرنے کی منصوبہ بندی کررہا ہے، ہم اپنے دفاع کے لیے اخری حد تک جائیں گے۔
پاکستانی سفیر نے کہا کہ بھارت کی جانب سے لگائے گئے الزامات بالکل بے بنیاد ہیں،ہم بھارتی جنگی پروپیگنڈے کو مسترد کرتے ہیں۔
انہوں نے کہاکہ ہم عالمی برادری سے مطالبہ کرتے ہیں کہ پہلگام حملے کی غیر جانبدار تحقیقات کی جائیں۔
محمد خالد جمالی کا کہنا تھا کہ پانی کے مسئلے پر کسی بھی جارحیت کا جواب جنگ سے ہوگا جس کے لیے اخری حد تک جائیں گے۔
