گوگل نیوز پر ہمیں فالو کریںاسلام آباد: دفترِ خارجہ نے کہا ہے کہ حکومت خانہ جنگی کا شکار سوڈان سے 1000سے زائد شہریوں کو نکالنے میں کامیاب ہوگئی ہے۔
سماجی رابطے کی ویب سائٹ ٹوئٹر پر اپنے پیغام میں ترجمان دفترِ خارجہ نے کہا کہ اللہ تعالیٰ کے فضل و کرم اور خرطوم میں پاکستانی سفارتخانے کی کاوشوں سے ہم سوڈان سے 1000 سے زائد پاکستانیوں کو نکالنے میں کامیاب رہے۔
عید الاضحیٰ کب؟ ماہرین فلکیات کی اہم پیشگوئی
ٹوئٹر پیغام میں ترجمان دفترِ خارجہ نے کہا کہ سوڈان سے پاکستانیوں کو محفوظ طور پر نکالنے کی کاوشوں میں جدہ اور اسلام آباد سے سعودی عرب اور چین نے ہماری مدد کی۔ اس کے ساتھ ہی سوڈان سے پاکستانیوں کو نکالنے کیلئے آپریشن ختم ہوگیا ہے۔
By Allah’s grace and tireless efforts of our embassy in Khartoum led by Amb Regi, supported by ???????? and ???????? and our teams in Jeddah and Islamabad, we have successfully & safely evacuated over 1000 Pakistanis out of Sudan. With this our evacuation operations out of Sudan have ended.
— Ministry of Foreign Affairs – Pakistan (@ForeignOfficePk) May 2, 2023
خیال رہے کہ اس سے قبل وزیر اعظم شہباز شریف کے مشیر امیر مقام نے کہا کہ سوڈان سے پاکستانی شہریوں کی محفوظ وطن واپسی کا سلسلہ جاری ہے۔
اپنے ایک بیان میں وزیر اعظم کے مشیر امیر مقام نے کہا کہ فوجی جھڑپوں کے بعد سوڈان سے پاکستانیوں کی محفوظ وطن واپسی کا سلسلہ جاری ہے۔ سوڈان سے مزید 93 شہری وطن واپس پہنچ چکے ہیں۔
وزیر اعظم کے مشیر امیر مقام نے کہا کہ 93 پاکستانی شہریوں کو قومی ائیر لائن (پی آئی اے) کے ذریعے سوڈان سے وطن واپس لایا گیا۔ سعودی عرب نے پاکستانیوں کی وطن واپسی میں ہماری بھرپور معاونت کی۔
