گوگل نیوز پر ہمیں فالو کریںپاکستان اور بنگلہ دیش کے مابین کھیلے جانے والے ٹیسٹ سیریز کے دوسرے اور آخری میچ کے چوتھے روز کا کھیل جاری ہے، قومی ٹیم نے 300رنز پر اننگز ڈکلیر کردی جبکہ میزبان ٹیم کے 7 کھلاڑی پویلین لوٹ گئے ہیں۔
تفصیلات کے مطابق آج قومی ٹیم نے پہلی اننگز میں مجموعی طور پر 98 اعشاریہ 3 اوورز کے کھیل میں 4 وکٹوں کے نقصان پر 300 رنز بنائے اور اننگز ڈکلیر کردی جس کے بعد میزبان کرکٹ ٹیم نے بیٹنگ کا آغاز کیا۔
ڈھاکہ ٹیسٹ کا چوتھا روز، بنگلہ دیش کے خلاف پاکستان کے 4کھلاڑی آؤٹ
پاکستان اور بنگلہ دیش کے میچ کا تیسرا روز بھی بارش سے متاثر
اوپنر شادمان اسلام کو 28گیندوں پر 3 رنز بنانے کے بعد ساجد علی کی گیند پر حسن علی نے کیچ آؤٹ کیا۔ محمد الحسن جوائے کوئی رن بنائے بغیر ساجد خان کی گیند پر ہی کپتان بابر اعظم کے ہاتھوں کیچ آؤٹ ہوئے۔
بنگلہ دیش کے نجم الحسن شانتو 50گیندوں پر 30رن بنا کر ساجد خان کی گیند پر ایل بی ڈبلیو ہو گئے۔ مومن الحق نے صرف 1 رن بنایا اور حسن علی کے ہاتھوں رن آؤٹ ہوئے۔ مشفق الرحمان نے 5رن بنائے۔
میزبان ٹیم کے مشفق الرحمان کو ساجد خان کی گیند پر فواد عالم نے کیچ آؤٹ کردیا۔ لٹن داس کو ساجدخان نے اپنی ہی گیند پر کیچ لے کر پویلین کی راہ دکھائی۔ انہوں نے 12گیندوں پر 6 رن بنائے۔ مہدی حسن کو ساجد نے صفر پر بولڈ کردیا۔
پاکستان کے ساجد خان نے 6وکٹیں لے کر بنگلہ دیشی بیٹنگ آرڈر کو لڑکھڑانے پر مجبور کردیا۔ مجموعی طور پر 21 اوورز کے کھیل میں بنگلہ دیشی ٹیم نے 7 وکٹوں کے نقصان پر 71 رنز بنائے ہیں۔ شکیب الحسن اور تاج الاسلام بیٹنگ کر رہے ہیں۔
