گوگل نیوز پر ہمیں فالو کریںاسلام آباد: شعبۂ انجینئرنگ میں ترقی کا عمل جاری ہے جبکہ پاکستان نے وینٹی لیٹرز بنانے میں ہمسایہ ملک بھارت کو پیچھے چھوڑ دیا ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیرِ سائنس و ٹیکنالوجی فواد چوہدری نے کہا کہ جن لوگوں کو یہ لگتا ہے کہ پاکستان انجینئرنگ میں بہت پیچھے ہے، وہ یہ جان لیں کہ بھارت کے بنائے ہوئے وینٹی لیٹرز کو ہسپتالوں سے واپس منگوانا پڑا جبکہ پاکستان اس سے آگے ہے۔
وزیرِ سائنس و ٹیکنالوجی فواد چوہدری نے کہا کہ پاکستان میں 2 نئی کمپنیوں کو وینٹی لیٹر بنانے کا لائسنس جاری ہو رہا ہے جبکہ پاکستان کے تمام وینٹی لیٹرز یورپی معیارات پر بنائے جا رہے ہیں اور انتہائی کامیاب ہیں۔
ان کیلئے جن کو لگتا ہے پاکستان انجینرنگ میں بہت پیچھے ہے، جہاں ہندوستان کے بنائے وینٹیلیٹرز کو ہسپتالوں سے واپس منگوانا پڑا وہاں پاکستان میں دو نئ کمپنیوں کو ونٹیلیٹر بنانے کا لائسنس جاری ہو رہا ہے پاکستان کے تمام ونٹیلیٹر یورپین اسٹنڈرز پر بنائے جا رہے ہیں اور انتہائ کامیاب ہیں https://t.co/YwNvq9PaL7
— Ch Fawad Hussain (@fawadchaudhry) August 23, 2020
یاد رہے کہ اِس سے قبل وزیر اعظم عمران خان نے ہری پور کا دورہ کیا جہاں پاکستان میں دیسی ساختہ وینٹی لیٹرز کی تیاری کے لئے نیشنل ریڈیو اینڈ ٹیلی کمیونی کیشن کارپوریشن کے پیداواری مرکز کا افتتاح کیا گیا۔
ریڈیو پاکستان کے مطابق این آر ٹی سی پاکستان میں پہلی تنظیم ہے جس نے وینٹی لیٹرز کی دیسی پیداوار شروع کردی۔ یہ مرکزہر مہینے 250 سے 300 یونٹ پیدا کرنے کی گنجائش رکھتا ہے جس سے پاکستان کو کافی مدد ملے گی۔
مزید پڑھیں: وزیر اعظم عمران خان کا وینٹی لیٹرز کے پیداواری مرکز کا افتتاح
