گوگل نیوز پر ہمیں فالو کریںاسلام آباد: پاکستان نے 2 یورپی ممالک ناروے اور سویڈن میں قرآنِ پاک کی بے حرمتی کے واقعات کی شدید مذمت کرتے ہوئے اسے تمام مذاہب کی تعلیمات کے خلاف قرار دیا ہے۔
سماجی رابطے کی ویب سائٹ ٹوئٹر پر گزشتہ شب اپنے پیغام میں ترجمان دفترِ خارجہ زاہد حفیظ چوہدری نے کہا کہ پاکستان سویڈن کے شہر مالمو اور ناروے کے شہر اوسلو میں قرآنِ پاک کی بے حرمتی کے حالیہ واقعات کی شدید مذمت کرتا ہے۔
پیغام میں ترجمان دفترِ خارجہ نے کہا کہ اسلام کے خلاف نفرت (اسلاموفوبیا) کے بڑھتے ہوئے واقعات کسی بھی مذہب کی تعلیمات کے منافی ہیں۔یورپی ممالک میں آزادئ اظہارِ رائے کے لبادے میں مذہبی منافرت کی کوئی توجیہہ پیش نہیں کی جاسکتی۔
ترجمان دفترِ خارجہ زاہد حفیظ چوہدری نے کہا کہ دوسروں کے مذہبی عقائد کا احترام ایک اجتماعی ذمہ داری ہے جسے نبھانا عالمی امن و خوشحالی کیلئے انتہائی اہمیت کا حامل ہے۔
Ensuring respect for religious beliefs of others is a collective responsibility and is absolutely critical for global peace & prosperity. 2/2 @UN @OIC_OCI @OIC_IPHRC
— Ministry of Foreign Affairs – Pakistan (@ForeignOfficePk) August 30, 2020
یاد رہے کہ اِس سے قبل ناروے کے پولیس چیف اود ریدار نے کہا کہ اگر دوبارہ قرآن کی بے حرمتی جیسا واقعہ پیش آتا ہے تو ہم اسے روکیں گے کیونکہ ملکی آئین کے مطابق یہ نفرت انگیز تقریر سے متعلق فوجداری قانون کی خلاف ورزی ہوسکتی ہے۔
پولیس چیف اود ریدار کا گزشتہ برس نومبر کے دوران کہنا تھا کہ ناروے کے ہر شہری کو قانون کی پاسداری کرنی چاہئے اور اتنا ہی بولنے کی اجازت ہے کہ قانون کی خلاف ورزی نہ ہو۔
مزید پڑھیں: قرآن کی بے حرمتی دوبارہ ہوئی تو اسے روکیں گے۔ پولیس چیف
