گوگل نیوز پر ہمیں فالو کریںپاکستان اور آسٹریلیا کی کرکٹ ٹیموں کے درمیان تین ٹی ٹوئنٹی میچز کی سیریز کا آغاز 14 نومبر 2024 کو برسبین میں ہوگا۔
اس سیریز میں آسٹریلیا اور پاکستان کے کھلاڑیوں کی کارکردگی پر نظریں مرکوز ہیں۔ پاکستان کی جانب سے بابراعظم اور محمد رضوان بطور اہم بیٹسمین جبکہ شاہین شاہ آفریدی اور حارث رؤف اہم باؤلرز کے طور پر شامل ہیں۔ آسٹریلیا کی ٹیم میں جوش انگلس، مارکس اسٹوئنس، اور ایڈم زامپا کی کارکردگی پر خاص توجہ ہوگی۔
پہلا ٹی ٹوئنٹی میچ 14 نومبر کو برسبین میں کھیلا جائے گا، دوسرا میچ 16 نومبر کو سڈنی کرکٹ گراؤنڈ میں اور آخری میچ 19 نومبر کو ایڈیلیڈ میں ہوگا۔ ان میچوں میں کامیابی کے بعد پاکستان کو اپنی رینکنگ میں بہتری کا موقع مل سکتا ہے جبکہ آسٹریلیا اپنی بہترین کارکردگی کا تسلسل برقرار رکھنے کی کوشش کرے گا۔
واضح رہے کہ پاکستان کرکٹ ٹیم نے اتوار کے روز 22 سال بعد آسٹریلیا کو آسٹریلیا میں ایک روزہ سیریز میں دو ایک سے شکست دیکر تاریخ رقم کی ہے۔
ایک روزہ سیریز میں پاکستان کرکٹ ٹیم کے فاسٹ باؤلرز حارث رؤف، نسیم شاہ اور شاہین آفریدی نے شاندار کھیل کا مظاہرہ کیا، حارث رؤف کو ان کی شاندار گیند بازی پر سیریز کا بہترین کھلاڑی قرار دیا گیا۔
