گوگل نیوز پر ہمیں فالو کریںآئی سی سی کرکٹ ورلڈ کپ میں جنوبی افریقا کے خلاف میچ میں پاکستان کرکٹ ٹیم کے آل راؤنڈر شاداب خان فیلڈنگ کے دوران انجری کا شکار ہوکر گراؤنڈ سے باہر چلے گئے۔
پاکستان نے ورلڈکپ کے 26 ویں اور اہم ترین میچ میں جنوبی افریقا کو جیت کیلئے 271 رنز کا ہدف دیاہے۔
جنوبی افریقا کی اننگز شروع ہوئی تو پہلے ہی اوور میں شاداب خان فیلڈنگ کے دوران انجری کا شکار ہوگئے، بال پھنکتے ہوئے اُن کا سر زمین پر لگا۔
آل راؤنڈر شاداب خان کچھ دیر آرام کے بعد دوبارہ فیلڈنگ پر آئے لیکن ان کے سر کی انجری بہتر نہ ہوسکی اس لیے پاکستان ٹیم کے میڈیکل پینل نے شاداب کی جگہ اسامہ میر کی خدمات حاصل کرلیں۔ میچ ریفری کی منظوری کے بعد اسامہ میر کو ٹیم میں شامل کر لیا گیا ہے۔
