گوگل نیوز پر ہمیں فالو کریںپشاور کے علاقے بڈھ بیر میں سیکیورٹی فورسز نے کارروائی کرتے ہوئے 4 دہشت گردوں کو ہلاک کردیا۔
پاک فوج کے میڈیا ونگ انٹر سروسز پبلک ریلیشنز (آئی ایس پی آر) کے مطابق دہشت گردوں کے خلاف انٹیلی جنس بیسڈ آپریشن (آئی بی او) کیا گیا۔ سیکیورٹی فورسز کے ساتھ فائرنگ کے تبادلے میں چار دہشت گرد مارے گئے۔
آئی ایس پی آر کا مزید کہنا تھا کہ ملزمان علاقے میں بھتہ خوری اور ٹارگٹ کلنگ سمیت دہشت گردی کی متعدد کارروائیوں میں ملوث تھے۔
آئی ایس پی آر نے کہا کہ عسکریت پسند قانون نافذ کرنے والے اداروں کو مطلوب تھے۔
فوج کے میڈیا ونگ کے مطابق ہلاک کیے گئے افراد سے ہتھیار، گولہ بارود اور دھماکا خیز مواد برآمد ہوا ہے۔
