گوگل نیوز پر ہمیں فالو کریںگلگت بلتستان میں واقع گلگت اسکردو روڈ پر لینڈ سلائیڈنگ اور مٹی کے تودے گرنے کے باعث مسافر بس کھائی میں جا گری جس کے نتیجے میں 13 سے زائد افراد جاں بحق ہو گئے ہیں۔
تفصیلات کے مطابق راولپنڈی سے اسکردو جانے والی بس کے ساتھ یہ افسوسناک حادثہ تونگوس کے مقام پر پیش آیا۔ بس میں مجموعی طور پر 18 مسافر سوار تھے۔
مسافر بس کو پیش آنے والے حادثے کی اطلاع ملتے ہی ریسکیو ٹیمیں اور سیکیورٹی اہلکار جائے وقوعہ پر پہنچ گئے اور ملبہ ہٹانے کیلئے آپریشن شروع کردیا گیا۔ اب تک 13 میتیں برآمد کر لی گئی ہیں جبکہ 1 شخص کو زخمی حالت میں ملبے سے نکال لیا گیا۔
ریسکیو اہلکاروں کے مطابق بس حادثہ انتہائی تشویشناک تھا جس کے باعث ہلاکتوں میں مزید اضافے کا خدشہ ہے۔ترجمان گلگت بلتستان حکومت کا کہنا ہے کہ زخمیوں اور لاشوں کو ہسپتال منتقل کردیا گیا ہے۔
یہ بھی پڑھیں: لاہور کی الیکٹرانکس مارکیٹ میں آتشزدگی، متعدد افراد پھنس گئے
