گوگل نیوز پر ہمیں فالو کریںوزیر اعظم شہباز شریف کی درخواست پر سعودی حکومت نے مسجد نبوی ﷺ میں ہنگامہ آرائی کیس میں قید تمام پاکستانیوں کو رہا کرنے کا حکم دے دیا، احکامات ولی عہد اور وزیر اعظم سعودی عرب محمد بن سلمان نے جاری کیے۔
وزیراعظم میاں محمد شہباز شریف نے اپریل 2022 کے واقعے پر گرفتار پاکستانیوں کی رہائی اور درگزر سے کام لینے کی درخواست کی تھی۔
میں سعودی ولی عہد جناب محمد بن سلمان کا تہہ دل سے شکر گزار ہوں کہ جنہوں نے میری درخواست پر سعودی عرب میں اپریل 2022 کے واقعے پر گرفتار پاکستانیوں کی رہائی کا حکم دیا۔ الّلہ تعالی سے دعا ہے کہ وہ ہمیں ایک دوسرے کی غلطیوں پر درگزر کرنے والا بہتر مسلمان بنائے۔
— Shehbaz Sharif (@CMShehbaz) October 26, 2022
وزیراعظم نے پاکستانیوں کی رہائی پر سعودی ولی عہد کا شکریہ ادا کرتے ہوئے لکھا کہ اللہ تعالیٰ آپ کو اس کا اجر عطاء فرمائے۔
مدینہ منورہ کی عدالت نے تین پاکستانیوں کو 8 سال اور تین کو 6 سال قید کی سزا سنائی تھی۔
عدالت کی جانب سے خواجہ لقمان، محمد افضل، غلام محمد نامی اشخاص کو 8 سال اور انس، ارشد اور محمد سلیم کو 6 سال قید کی سزا سنائی گئی تھی۔
ایک اور پاکستانی طاہر ملک کو بھی تین سال قید اور 10 ہزار رالی جرمانہ کیا گیا تھا۔
