گوگل نیوز پر ہمیں فالو کریںلاہور: وزیرِ اعلیٰ پنجاب سردار عثمان بزدار نے کہا ہے کہ ہم مزدوروں کے تحفظ کیلئے صنعتوں کو مرحلہ وار کھولتے جا رہے ہیں تاکہ مزدور معاشی حالات کا مقابلہ کرنے کے قابل ہوسکیں۔
سماجی رابطے کی ویب سائٹ ٹوئٹر پر اپنے پیغام میں وزیرِ اعلیٰ پنجاب عثمان بزدار نے کہا کہ کورونا وائرس اور لاک ڈاؤن کی وجہ سے آج دنیا بھر کے مزدور بے روزگاری اور ذہنی اذیت کا شکار ہیں کیونکہ صنعتیں بند پڑی ہیں اور معیشت تباہ حال ہے۔
عالمی لیبر ڈے کے پیغام میں وزیرِ اعلیٰ نے کہا کہ وزیراعظم عمران خان کی قیادت میں ہم نہ صرف مزدوروں کے تحفظ کے لیے ایس او پیز کےساتھ مرحلہ وار انڈسٹری کھول رہےہیں بلکہ احساس اور “انصاف امداد پروگرام” کےذریعےکیش بھی منتقل کر رہےہیں۔
وزیرِ اعلیٰ پنجاب نے کہا کہ امید ہے کہ ہم جلد اس وبا کو کنٹرول کرنے میں کامیاب ہوں گے تاکہ ہمارا مزدور طبقہ مزید معاشی بدحالی کا شکار نہ ہو جائے۔
امید ہے کہ ہم جلد اس وبا کو کنٹرول کرنے میں کامیاب ہوں گے تاکہ ہمارا مزدور طبقہ مزید معاشی بدحالی کا شکار نہ ہو جائے.
— Usman Buzdar (@UsmanAKBuzdar) May 1, 2020
