گوگل نیوز پر ہمیں فالو کریںسعودی عرب کے شاہ سلمان بن عبدالعزیز نے فلسطینی شہدا کے لواحقین، زخمیوں اور اسیران کے ایک ہزار اہل خانہ کو شاہی مہمان کے طور پرحج کرانے کے احکامات دیے ہیں۔
سرکاری خبررساں ایجنسی ایس پی اے کے مطابق سنیچر کو ایک بیان میں کہا گیا کہ یہ اقدام ضیوف خادم الحرمین الشریفین پروگرام کا حصہ ہے جس کی نگرانی ہر سال مملکت میں وزارت اسلامی امور کرتی ہے۔
یہ بھی پڑھیں:
جاپان کو بڑے پیمانے پر غیر ملکی ملازمین کی ضرورت پڑ گئی
ضیوف خادم الحرمین الشریفین (خام الحرمین شریفین کے مہمان) پروگرام کے نگران اعلٰی شیخ ڈاکٹر عبداللطیف بن عبدالعزیز آل الشیخ نے فسلطینی شہدا کے لواحقین کو شاہی مہمان کے طور پر حج کرانے کے احکامات پر شاہ سلمان بن عبدالعزیز کا خصوصی شکریہ ادا کیا۔
واضح رہے شاہ سلمان بن عبدالعزیز کی میزبانی میں حج پروگرام ہر سال جاری کیا جاتا ہے جس میں دنیا بھر سے متعدد افراد شاہی مہمان کے طور پر فریضہ حج ادا کرتے ہیں۔
