آرمی چیف جنرل قمرجاوید باجوہ سےاومان کے چیف آف آرمی اسٹاف کی ملاقات

آرمی چیف جنرل قمرجاوید باجوہ سے سلطنت اومان کی مسلح افواج کے چیف آف اسٹاف لیفٹیننٹ جنرل احمد نے ملاقات کی۔
تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ آرمی چیف جنرل قمر جاوید باجوہ نےسلطنت آف عمان کے چیف آف اسٹاف سے جی ایچ کیو میں ملا قات کی ہے۔
جنرل قمرجاوید باجوہ سے لیفٹیننٹ جنرل احمد بن ہریت النباہی کی ملاقات میں دو طرفہ دلچسپی کے امور پر تبادلہ خیال کیا گیا اور پاک اومان دو طرفہ دفاعی تعلقات پر بھی با ت چیت کی گئی۔
آئی ایس پی آر نے بتایا کہ اومان کے چیف آف اسٹاف نے دہشت گردی کیخلاف پاکستان کی جنگ اور امن و امان کیلئے کوششوں کو سراہا۔
لیفٹیننٹ جنرل احمد نے یادگار شہداء پر بھی حاضری دی اور پھولوں کی چادر چڑھائی، فاتحہ خوانی کے بعد شہداء کو خراج عقیدت بھی پیش کیا۔