او آئی سی کےاجلاس کےپیش نظر 20 دسمبر کو تعطیل کا باضابطہ اعلان

اسلام آباد:وفاقی حکومت کی جانب سے 20دسمبرکوہونےوالے او آئی سی کے اجلاس کے پیش نظر 20 دسمبر کو مقامی تعطیل کا باضابطہ اعلان کردیا گیاہے۔

وفاقی حکومت کی جانب سے تعطیل کاباضابطہ اعلان کرتےہوئےکہاگیاہےکہ 20 دسمبر کو تمام وفاقی وزارتوں، ڈویژنز، ماتحت ادروں میں چھٹی ہوگی،جس کے بعدکابینہ ڈویژن نے چھٹی کا نوٹیفکیشن جاری کردیا ،نوٹیفکیشن میں مؤقف اپنایاگیاہےکہ اسلام آباد کی حدود میں تمام دفاتر بھی پیر یعنی 20دسمبر کو بند رہیں گے۔

یہ بھی پڑھیں:موجودہ صورتحال میں افغانستان کو تنہا نہیں چھوڑا جا سکتا،وزیرخارجہ

یادرہےکہ اوآئی سی وزرائےخارجہ کا17 واں غیرمعمولی اجلاس 19 دسمبرکواسلام آباد میں ہوگا،جس میں او آئی سی رکن ممالک سمیت اقوام متحدہ اور عالمی مالیاتی ادارے شرکت کریں گے،جن میں امریکا،برطانیہ،فرانس،چین،روس،جرمنی ،اٹلی اور جاپان کے نمائندے کو بھی مدعو کیا گیا ہے دوسری جانباجلاس میں افغانستان کی عبوری حکومت کی بھی نمائندگی ہو گی۔