گوگل نیوز پر ہمیں فالو کریںاسلام آباد: وفاقی وزیر برائے ماحولیات تبدیلی اور سینیٹر شیری رحمان کا سابق وزیر اعظم اور پی ٹی آئی چیئرمین عمران خان کو تنقید کا نشانہ بناتے ہوئے کہنا تھا کہ عمران خان سیلاب زدگان کی امداد کے بجائے اپنا پاور شو دکھانے میں مصروف ہیں، اس وقت سیاست اور الزام تراشی کی نہیں، انسانی زندگیاں بچانے کی ضرورت ہے۔
اپنے بیان میں سینیٹر شیری رحمان نے کہا کہ حکومت سیلاب متاثرین کو بچانے میں مصروف ہے اور عمران خان اپنی سیاست کر رہے ہیں ان کو ملک سیلاب متاثرین پر رحم نہیں آتا؟ کیا انہوں نے تباہ کاریاں نہیں دیکھی؟۔
اُنہوں نے کہا کہ عمران خان سیلاب زدگان کی مدد اور امداد کے بجائے اپنا”پاور شو“ دکھانے میں مصروف ہیں، پنجاب میں سیلاب متاثر علاقوں کا دورہ کرنے کے بجائے وہ صوبے میں جلسہ کر رہے ہیں،جنوبی پنجاب کا دورا منسوخ کر سکتے ہیں لیکن جلسے نہیں۔
شیری رحمان نے کہا کہ انسانی زندگیاں بچانے کی ضرورت ہے، بے گھر اور بے یار و مددگار افراد کو پناہ اور خوراک اور امداد پہنچانی ہے، ہم ایک سنگین انسانی بحران سے گزر رہے، اہل وطن سے اپیل ہے یہ سیاست و تقسیم کا نہیں، اس آفت میں متحد رہنے کا وقت ہے۔
شیری رحمن نے کہا کہ بارشوں اور سیلاب سے 1 ہزار سے زائد لوگ جاں بحق ہوئے، ہزاروں زخمی اور لاکھوں کھلے آسمان تلے امداد کے منتظر ہیں، اب تک 3 کروڑ 30 لاکھ سے زائد لوگ سیلاب سے متاثر ہو چکے ہیں۔
مزید پڑھیں:سیلاب زدگان کی مدد کیلئے عمران خان کل ٹیلی تھون میں اپیل کرینگے:اسد عمر
