شمالی وزیرستان، دہشگردوں اور فورسز میں فائرنگ کا تبادلہ، ایک فوجی جوان شہید

راولپنڈی: شمالی وزیرستان میں ملک دشمنوں کے خلاف آپریشن کے دوران فورسز اور دہشت گردوں کے درمیان فائرنگ کے تبادلے میں ایک سکیورٹی اہلکار شہید ہو گئے۔

آئی ایس پی آر کا کہنا ہے کہ شمالی وزیرستان کے ضلع میران شاہ میں دہشت گردوں اور فورسز کے درمیان فائرنگ کا شدید تبادلہ ہوا۔ اس دوران  نائیک زاہد احمد نے دہشت گردوں کا بہادری سے مقابلہ کرتے ہوئے وطن پر جان قربان کی۔

مزید پڑھیں:شمالی وزیرستان، نوشکی میں پاک فوج کی کارروائی، 4دہشتگرد ہلاک

ترجمان پاک فوج کے مطابق فورسز اور دہشت گردوں کے درمیان فائرنگ کے تبادلے میں ایک دہشت گرد بھی مارا گیا جس کی شناخت ضیا اللہ کے نام سے ہوئی ہے،آئی ایس پی آر کے مطابق دہشتگردوں سے بڑی مقدار میں اسلحہ اور گولہ بارود بھی برآمد ہوا۔