گوگل نیوز پر ہمیں فالو کریںشمالی وزیرستان میں ایمبولینس اور ڈمپر کے مابین تصادم کے نتیجے میں 6 افراد جاں بحق جبکہ 1 زخمی ہو گیا ہے۔
تفصیلات کے مطابق یہ افسوسناک واقعہ شمالی وزیرستان کے علاقے سیدگی کے قریب پیش آیا جہاں ایمبولینس ڈمپر سے جا ٹکرائی۔ ریسکیو حکام کے بیان کے مطابق حادثہ تیزرفتاری کے باعث پیش آیا۔
ایمبولینس کے ذریعے ایک مریض کو میران شاہ سے بنوں منتقل کیا جارہا تھا۔ خوفناک تصادم کے نتیجے میں 6 افراد جاں بحق جبکہ 1 زخمی ہوا جنہیں ہسپتال منتقل کیا جارہا ہے۔
یاد رہے کہ اِس سے قبل کراچی میں قومی شاہراہ پر 2 ٹرالرز کے مابین تصادم کے نتیجے میں 2 نوجوان افراد جاں بحق جبکہ 1 زخمی ہوگیا۔
کراچی میں دیہہ کاٹھور اور بحریہ ٹاؤن کے درمیان قومی شاہراہ پر 2 ٹرالرزگزشتہ ماہ 30 جنوری کو آپس میں ٹکرا گئے، حادثہ تیز رفتاری اور غیر ذمہ دارانہ ڈرائیورنگ کے باعث پیش آیا۔
مزید پڑھیں: کراچی میں بحریہ ٹاؤن کے قریب 2 ٹرالرز کا تصادم، 2 نوجوان جاں بحق
