شمالی وزیرستان، دہشتگردوں کی فائرنگ سے پاک فوج کا جوان شہید

میرانشاہ: ملک دشمنوں کونشان عبرت بنانے کے مشن کے دوران پاک فوج کا ایک اور جوان دہشتگردوں کی فائرنگ سے جام شہادت نوش کرگیا۔

آئی ایس پی آر کے مطابق خیبرپختونخوا کے ضلع شمالی وزیرستان کے مقام میر علی میں دہشتگردوں کیخلاف آپریشن کیا گیا، آپریشن دہشتگردوں کی موجودگی کی خفیہ اطلاع پر کیا گیا۔

خفیہ اطلاع پرکی گئی کارروائی کے دوران پاک فوج اور دہشتگردوں کے درمیان فائرنگ کا تبادلہ ہوا، دہشتگردوں کے خلاف بہادری سے لڑتے سپاہی وحید خان شہید ہو گیا۔

مزید پڑھیں:شمالی وزیرستان میں پاک فو ج کی کارروائی، 3دہشت گرد مارے گئے

آئی ایس پی آر کے مطابق شہید ہونے والے سپاہی وحید خان کی عمر 23 سال ہے اور اس کا تعلق خیبرپختونخوا کے ضلع نوشہرہ سے تھا۔بیان کے مطابق علاقے میں موجود کسی بھی دہشتگرد کے خاتمے کے لیے علاقے میں کلیئرنس آپریشن جاری ہے۔