گوگل نیوز پر ہمیں فالو کریںراولپنڈی: آرمی چیف جنرل عاصم منیر نے عزم کا اظہار کیا ہے کہ پاکستان کو موجودہ بحران سے نکال کر دم لیا جائے گا اور ہمیں دنیا کی کوئی طاقت ترقی کرنے سے نہیں روک سکتی۔
آئی ایس پی آر کے جاری کردہ بیان میں کہا گیا ہے کہ پاک فوج کے سپاہ سالار نے خانیوال ماڈل ایگریکلچر فارم کی افتتاحی تقریب کے موقع پر خطاب کرتے ہوئے کہا کہ پاک فوج کو اپنی قوم کی خدمت کرنے پر فخر ہے۔
سپہ سالار نے کہا کہ ہم اس ماڈل فارم کی طرز کے جدید فارم بنائیں گے جس سے چھوٹے کسان کو فائدہ ہوگا اور گرین انیشیٹووکا یہ دائرہ کار پورے پاکستان میں پھیلایا جائے گا ریاست ماں کی طرح ہوتی ہے، عوام اور ریاست کا رشتہ محبت اور احترام کا ہے۔
آرمی چیف نے کہا کہ ہمیں دنیا کی کوئی طاقت ترقی کرنے سے نہیں روک سکتی، پاکستان میں زرعی انقلاب آکر رہے گا، پاکستانی غیرت مند، غیور اور باصلاحیت قوم ہے، تمام پاکستانیوں نے بھکاری کا کشکول باہر اُٹھاکر پھینکنا ہے۔
مزید پڑھیں:پاکستان نے آذربائیجان سے ایل این جی کی خریداری کے معاہدے پر دستخط کردیئے
آئی ایس پی آر کے مطابق آرمی چیف کا مزید کہنا تھا کہ سیکیورٹی کے بغیر معیشت اور معیشت کے بغیر سیکیورٹی نا گزیر ہے، سیکیورٹی اور معیشت کا چولی دامن کا ساتھ ہے۔
