ہانیہ عامر اور میرے تعلق کو کوئی نہیں سمجھ سکتا، عاصم اظہر

کراچی: گلوکار عاصم اظہر نے کئی دنوں سے جاری ہانیہ عامر کے حوالے سے تنقید پر جواب دیتے ہوئے کہا ہے کہ میرے اور ہانیہ عامر کے تعلق کو سمجھنا نا ممکن ہے، انہوں نے کہا کہ ہمارا تعلق ایک لیبل سے بڑھ کر ہے۔

واضح رہے کہ گلوکار عاصم اظہر اور اداکارہ ہانیہ عامر کو شوبز انڈسٹری کی دیگر جوڑیوں کی طرح بہت پذیرائی ملی تھی، جبکہ دونوں کی شادی کی خبریں بھی گردش کررہی تھیں اور وہ دونوں فیشن شو سمیت ہر ایونٹ پر ایک ساتھ ہی دکھائی دیتے تھے۔

https://www.instagram.com/p/CCydpXmFfQR/

تاہم اب ہانیہ عامر اور عاصم اظہر نے اپنی اپنی راہیں جدا کرلی ہیں،جس کا اعتراف خود ہانیہ عامر نے کیا ہے، اداکارہ ہانیہ عامر نے گلوکارہ آئمہ بیگ کے ساتھ گفتگو کرتے ہوئے کہا تھا کہ ہم لوگ ایک ساتھ نہیں البتہ ہمارے درمیان صرف اور صرف دوستی کا تعلق ہے۔

تاہم ہانیہ کی جانب سے دیئے گئے اس اعترافی بیان کے بعد گلوکار عاصم اظہر بھی خاموش نہ رہے اور انہوں نے اس حوالے سے سماجی رابطے کی ویب سائٹ انسٹا گرام پر ایک طویل پیغام جاری کیا۔

عاصم اظہر کا کہنا تھا کہ میں چاہتا ہوں کہ میں اپنے کام کی وجہ سے ٹرینڈنگ پر رہوں،لیکن آپ لوگ منفی انداز میں میمز کا حصہ بناتے ہیں، انہوں نے کہا کہ الحمداللہ میں جہاں بھی ہوں بہت خوش اور مطمئن ہوں، میں خود کو ایک اچھا بیٹا، ایک اچھا دوست اور ایک اچھا انسان بنانے کی کوشش کررہا ہوں تاکہ زندگی کے تمام چیلنجز کا سامنا کرسکوں۔‘